«فرانتسيا – ەۋروپالىق وداقتاعى باستى ساۋدا-ەكونوميكالىق سەرىكتەس», — دەپ اسقار مامين, قر تۇڭعىش پرەزيدەنتى – ەلباسى ن. نازارباەۆ پەن فرانتسيا پرەزيدەنتى ە. ماكرون بريۋسسەلدە 2018 جىلدىڭ قازان ايىندا وتكەن "اسەم" ءسامميتى اياسىندا بەلگىلەگەن ساۋدا-ەكونوميكالىق كۇن ءتارتىبىن ىسكە اسىرۋدىڭ ماڭىزدىلىعىن اتاپ ءوتتى.
فرانتسيا قازاقستان ەكونوميكاسىنا سالىنعان تىكەلەي ينۆەستيتسيالار كولەمى بويىنشا العاشقى بەس ەلدىڭ قاتارىنا كىرەدى. 2005 جىلدان باستاپ 2018 جىلعا دەيىن فرانتسيانىڭ قازاقستان ەكونوميكاسىنا قارجى جۇمسالىمىنىڭ كولەمى $15 ملرد استى. 2018 جىلدىڭ قورىتىندىسى بويىنشا تاۋار اينالىمى 32,5%-عا نەمەسە $4,5 ملرد-قا ءوستى.
قازىرگى تاڭدا كولىكتىك ماشينا جاساۋ, قۇرىلىس ماتەريالدارىن, ءدارى-دارمەكتەر, ازىق-ت ۇلىك ونىمدەرىن شىعارۋ سالاسىندا بىرلەسكەن ءوندىرىس ءساتتى جۇمىس ىستەپ تۇر. ەنەرگەتيكا, عارىش سالالارىندا, جاڭارتىلاتىن قۋات كوزدەرى, ينفراقۇرىلىمدى دامىتۋ, Smart City جوبالارى بويىنشا بىرلەسكەن جۇمىس جۇرگىزىلىپ جاتىر.
قازاقستاندا فرانتسۋز كاپيتالىنىڭ قاتىسۋىمەن, جوعارى تەحنولوگيالىق جوبالاردى جۇزەگە اسىراتىن «توتال», «ورانو», «دانون», «ۆيكات», «پەجو», «الستوم» سەكىلدى 130-دان استام كاسىپورىن جۇمىس ىستەيدى.
قازاقستان پرەمەر-ءمينيسترى ينۆەستيتسيالىق ىنتىماقتاستىقتى ودان ءارى دامىتۋعا, كولىك ينفراقۇرىلىمى, تسيفرلىق تەحنولوگيالار, ادامي كاپيتال سالالارىنداعى بىرلەسكەن جوبالاردى جۇزەگە اسىرۋعا قىزىعۋشىلىق بار ەكەنىن جەتكىزدى.
«بىزدە اۋىل شارۋاشىلىعىندا ۇلكەن الەۋەت بار. فرانتسۋزدىق Danone, Lactalis جانە Soufllet كومپانيالارىمەن بىرلەسكەن جوبالاردى تابىستى ىسكە اسىرىلعان جوبالار دەپ ايتۋعا بولادى. قازاقستان – ەكولوگيالىق تازا ءونىمدى ءوندىرۋ جانە ەاەو مەن قحر ەلدەرىنىڭ سىيىمدى نارىقتارىنا شىعۋ تۇرعىسىنان بيزنەس جۇرگىزۋ ءۇشىن پەرسپەكتيۆالى ورىن», — دەدى اسقار مامين.
فرانتسۋز ينۆەستورلارىنا بىرلەسكەن ءوندىرىس ورىندارىن اشۋدا, يمپورتتى الماستىرۋدا جانە اگروونەركاسىپتىك ونىمدەردى ودان ءارى ەكسپورتتاۋدا جان-جاقتى كومەك كورسەتىلەدى.
«قازاقستان – فرانتسيانىڭ ورتالىق ازياداعى جەتەكشى سەرىكتەسى», — دەپ فرانتسيانىڭ ەكونوميكا جانە قارجى ءمينيسترى ب. لە مەر, فرانتسۋز تاراپىنىڭ قر تۇڭعىش پرەزيدەنتى —ەلباسى ن. نازارباەۆ اشقان جانە فرانتسيا پرەزيدەنتى ە. ماكرون راستاعان ستراتەگيالىق ىنتىماقتاستىقتى جالعاستىرۋعا دايىن ەكەنىن اتاپ ءوتتى.
ب. لە مەر قازاقستان مەن فرانتسيانىڭ ساۋدا-ەكونوميكالىق, ينۆەستيتسيالىق, يندۋستريالىق سالالارداعى ىنتىماقتاستىق پەرسپەكتيۆالارىن ەسكەرە وتىرىپ, ىنتىماقتاستىقتىڭ جاڭا دەڭگەيىنە ءوتۋى ءۇشىن بارلىق مۇمكىندىكتەرى بار دەپ ەسەپتەيدى.
قر پرەمەر-ءمينيسترى اسقار مامين مەن فرانتسيانىڭ ەكونوميكا جانە قارجى ءمينيسترى بريۋنو لە مەر «سامۇرىق-قازىنا» ۇاق» اق مەن «Bpifrance» ينۆەستيتسيالىق كومپانياسى اراسىنداعى بىرلەسكەن ينۆەستيتسيالاۋ تۋرالى, قر ەنەرگەتيكا مينيسترلىگى, «قازمۇنايگاز» ۇك» اق جانە «توتال» كومپانياسى اراسىنداعى تسيفرلىق تەحنولوگيالار سالاسىنداعى مەموراندۋمدارعا قول قويۋ راسىمىنە قاتىستى.
