مال شارۋاشىلىعىن دامىتۋ ماسەلەلەرى بويىنشا اۋىل شارۋاشىلىعى ءمينيسترى س. وماروۆ, «قازاگرو» حولدينگىنىڭ باسقارما توراعاسى ە. قاراشوكەەۆ, باتىس قازاقستان وبلىسىنىڭ اكىمى ع. ەسقاليەۆ, قىزىلوردا وبلىسىنىڭ اكىمى ق. ىسقاقوۆ, سولتۇستىك قازاقستان وبلىسى اكىمىنىڭ ورىنباسارى م. تاسماعانبەتوۆ, اۋىل شارۋاشىلىعى كاسىپورىندارىنىڭ باسشىلارى — «Empire Food» كومپانياسىنىڭ باس ديرەكتورى ا. دجاۆيدان, «ماكينسك قۇس فابريكاسى» كومپانياسىنىڭ ۆيتسە-پرەزيدەنتى ر. توقسەيىتوۆا بايانداما جاسادى.
مال شارۋاشىلىعى — ەلىمىزدىڭ اگروونەركاسىپتىك كەشەنىنىڭ جەتەكشى سالاسى. 2019 جىلدىڭ ءبىرىنشى جارتى جىلدىعىنىڭ ناتيجەسى بويىنشا مال شارۋاشىلىعىندا جالپى ءونىمنىڭ كورسەتكىشتەرى 2018 جىلدىڭ وسىنداي كەزەڭىمەن سالىستىرعاندا 10,5%-عا ءوستى, مال ازىعى داقىلدارىنىڭ ەگىس الاڭى 19-عا ۇلعايدى.
«قر تۇڭعىش پرەزيدەنتى – ەلباسى ن. نازارباەۆتىڭ تاپسىرماسى بويىنشا اگرارلىق سالانى ساپالى دامىتۋ, ەكونوميكاداعى ونىڭ ۇلەسىن ارتتىرۋ بويىنشا اگروونەركاسىپتىك كەشەندى دامىتۋدىڭ 2021 جىلعا دەيىنگى مەملەكەتتىك باعدارلاماسى قابىلداندى», — دەپ قر پرەمەر-ءمينيسترى, قر پرەزيدەنتى ق. توقاەۆ اۋىل شارۋاشىلىعىندا ەڭبەك ونىمدىلىگىن ارتتىرۋ جانە وڭدەلگەن ءونىم ەكسپورتىن دامىتۋ بويىنشا مىندەتتەردى بەلگىلەگەنىن اتاپ ءوتتى.
بيىلعى 15 شىلدەدە ۇكىمەتتىڭ كەڭەيتىلگەن وتىرىسىندا مەملەكەت باسشىسى اگروونەركاسىپتىك كەشەنگە ستراتەگيالىق ينۆەستورلاردى تارتۋ مىندەتىن قويدى.
اسقار مامين الەۋەتتى ينۆەستورلارمەن بەلسەندى جۇمىس جۇرگىزىپ, ولارعا قولايلى جاعدايلار جاساۋ قاجەتتىگىن ايتتى.
«بۇل جۇمىس ۇنەمى جۇرگىزىلۋى ءتيىس. ءبىزدىڭ ورتاق مىندەتىمىز – سالاعا كەلەتىن ينۆەستيتسيالاردى جىل سايىن كەمىندە 30%-عا ارتتىرۋ. 2020 جىلعا قاراي 211 ملرد تەڭگەگە دەيىن, 2021 جىلعا قاراي – 274 ملرد تەڭگەگە دەيىن ۇلعايتۋ قاجەت», — دەدى اسقار مامين.
جاڭا ءسۇت فەرمالارىن سالۋ ارقىلى وڭدەۋ كولەمىن ۇلعايتۋ الەۋەتى بار, ءسۇت وڭدەۋ كولەمىن 2022 جىلعا قاراي 2,2 ملن تونناعا جەتكىزۋدىڭ بارلىق مۇمكىندىگى بار.
اۋىل شارۋاشىلىعى مينيسترلىگىنە «قازاگرو» حولدينگىمەن جانە وبلىستاردىڭ اكىمدىكتەرىمەن بىرلەسىپ, ءسۇتتى-تاۋارلى مال شارۋاشىلىعىنىڭ كولەمىن ارتتىرۋ, وتاندىق قۇس شارۋاشىلىعىن دامىتۋ, حالال ءونىم ەكسپورتىن دامىتۋ شارالارىن قابىلداۋ تاپسىرىلدى.
