وتاندىق عالىمداردىڭ جەتىستىگى ساۋىندى ەشكىلەردىڭ سۇتتىلىگىن ارتتىرىپ, ساپاسىنا دا وڭ اسەر بەرگەن. 2016 جىلى ىسكە قوسىلعان ەلوردا ىرگەسىندەگى اسىل تۇقىمدى مال شارۋاشىلىعىندا ۇساق مالدىڭ ءتورت ءتۇرى ءوسىرىلىپ كەلەدى. دەنى نيدەرلاندتىق زاانەن تۇقىمدى تولدەرى. العاشقى كەزدە «قىزعالداقتار» ەلىنەن اكەلىنگەن سەكسەك اتا ءتولى تاۋلىگىنە 5 ليتر ءسۇت بەرىپ وتىرعان. وسىنى ەسكەرگەن سەرىكتەستىك اگروتەحنيكالىق ۋنيۆەرسيتەتپەن كەلىسىمشارتقا وتىرىپ, عىلىمي توپ ۇساق مالدىڭ ازىعىن تۇرلەندىرۋدى قولعا الىپتى.
– ۇساق مالدىڭ بۇل ءتۇرى تاۋلىگىنە 3, 5 كيلو مال ازىعىن قاجەت ەتەدى. وسى قاجەتتىلىكتى قامتۋ ءۇشىن ارپا, س ۇلى جانە اسبۇرشاقتىڭ قوسىندىسىنان ارنايى تەحنولوگيانى ازىرلەدىك. ونىڭ قۇرامىندا ەشكى ءسۇتىنىڭ ساپاسىن ارتتىراتىن فوسفور, كاراتين, كالتسي دارۋمەندەرى بار. بۇل ساۋىندى ۇساق مالدىڭ ءبىر ەرەكشەلىگى – تۇتىناتىن ازىعىنا ايرىقشا كوڭىل ءبولۋ كەرەك. باستاپقى كەزدە كۇنىنە 5-6 ليتر ءسۇت بەرسە, قازىر ونىڭ كولەمى 8-9 ليترگە كوبەيدى. جاڭا تەحنولوگيانىڭ باستى جەمىسى وسىدا, – دەيدى س. سەيفۋللين اتىنداعى قازاتۋ اعا وقىتۋشىسى ادىلبەك نوعاەۆ.
اتالعان شارۋاشىلىقتىڭ يەلىگىندە 400 گەكتار ەگىستىك القابى بار. جاس اگرونومدار بۇل جەردە سەرىكتەستىكتىڭ جەم-ءشوپ بازاسىن جولعا قويىپتى. ماسەلەن, قازىر القاپتا جوعارى ءونىمدى داقىلدار ەگىلەدى.
يتاليالىق Gea تۇقىمدى جوڭىشقانى ءوسىرىپ جاتىرمىز. ءبىرىنشى جىل بولعاندىقتان س ۇلى داقىلىمەن بىرگە ارالاستىرىلىپ ەگىلدى. ونىڭ ءبىر ورامى 300 كيلوعا دەيىن جەتەدى. بيىل شارۋاشىلىق 800 تونناعا دەيىن مال ازىعىمەن قامتاماسىز ەتىلەدى دەگەن ويدامىز, – دەدى ادىلبەك نوعاەۆ.
ۋنيۆەرسيتەت عالىمدارى بيىل ەلدەگى ءشوپتىڭ ءبىر تونناسى 36 مىڭ تەڭگەگە جەتكەنىن ايتادى. بىلتىر ونىڭ سوماسى 25 مىڭ تەڭگەنىڭ كولەمىندە بولعان. سول سەبەپتى ماماندار قوجالىقتارعا جەم-ءشوپ بازاسىن نىعايتۋعا كەڭەس بەردى.
