ۇلكەن سۇرانىسقا يە “اي-92” ماركالى سۇيىق وتىننىڭ ءبىر ءليترى 150 تەڭگەدەن ساتىلىپ كەلسە, ەندى 4-5 تەڭگەگە قىمباتتادى. “قاز-مۇنايگاز”, “Shelf”, “ەتالون” جانە تاعى باسقا جانار-جاعارماي قۇيۋ بەكەتتەرىندە 154-155 تەڭگەدەن بوساتىلۋدا. گازدىڭ ءار ءليترى – 73 تەڭگە, ديزەلدىك وتىن– 198 تەڭگە.
«قازىر “اي-92” ماركالى بەنزيننىڭ 2 مىڭ توننا قورى بار. بۇدان بولەك, تاسىمالداۋشى وپەراتورلار جۋىق ارادا 2,5 مىڭ توننا بەنزين جەتكىزىپ بەرمەك. جانار-جاعارمايدىڭ قورى ءوڭىردىڭ سۇرانىسىن قامتاماسىز ەتۋگە تولىق جەتەدى», دەيدى كاسىپكەرلىك جانە تۋريزم باسقارماسىنىڭ باس مامانى ءلاززات عاليەۆا.
ونىڭ ايتۋىنشا, جەرگىلىكتى جانار-جاعارماي بەكەتتەرىنە سۇيىق وتىن نەگىزىنەن پاۆلودار, اتىراۋ جانە شىمكەنت قالالارىنداعى مۇناي وندىرەتىن زاۋىتتاردان جەتكىزىلەدى. العاشقى ەكى كاسىپورىن كۇردەلى جوندەۋ جۇمىستارىن جۇرگىزۋ ءۇشىن ۋاقىتشا جابىلدى. ال شىمكەنتتەن تاسۋ ەكونوميكالىق جاعىنان ءتيىمسىز.
نارىقتىڭ قاجەتتىلىگىن تولىق قامتاماسىز ەتۋ ءۇشىن“اي-92” ماركالى بەنزين رەسەيدىڭ ۋفا قالاسىنان اكەلىنۋدە.بىرقاتار بەكەتتەردە «اي-95» ماركالى بەنزين تالونمەن بوساتىلۋدا.
سولتۇستىك قازاقستان وبلىسى
