وسى جىلدىڭ ءى جارتى جىلدىعىندا ەلىمىزدە 186 مىڭ جۇمىس ورنى قۇرىلدى, وتكەن جىلدىڭ وسى كەزەڭىمەن سالىستىرعاندا 7%-عا وسكەن.
سالالار بويىنشا قارايتىن بولساق, ەڭ كوپ جۇمىس ورنى ساۋدادا, قۇرىلىستا, اۋىل شارۋاشىلىعىندا قۇرىلعان. قۇرىلعان جۇمىس ورىندارىنىڭ نەگىزگى بولىگى, ياعني 30%-ى الماتى قالاسىنا, الماتى, ماڭعىستاۋ وبلىستارىنا تيەسىلى. ال اۋىلدىق جەرلەردە 77 مىڭنان استام جۇمىس ورنى اشىلعان, بۇل 42%-دى قۇرايدى.
«ەڭبەك» باعدارلاماسى قابىلدانعالى 190 ملرد تەڭگە ءبولىنىپ, 1,2 ملن ادام قامتىلدى. ال, وسى جىلى 124 ملرد تەڭگە كوزدەلىپ, كەم دەگەندە 700 مىڭ ازاماتتى قامتۋ جوسپارلانىپ وتىر. ول بىلتىرعى جىلمەن سالىستىرعاندا 100 مىڭ ادامعا كوپ», — دەدى ءبىرىنشى ۆيتسە-مينيستر.
جارتى جىل ىشىندە 281 مىڭ ادام قامتىلدى, 52%-ى — جۇمىسسىزدار. 198 مىڭ ادام جۇمىسقا ورنالاستىرىلدى, سونىڭ ىشىندە 121 مىڭى نەمەسە 61%-ى — تۇراقتى جۇمىسپەن قامتىلدى.
باعدارلامانىڭ ءبىرىنشى باعىتى «كاسىپتىك وقىتۋ» اياسىندا قىسقا مەرزىمدى كۋرستارعا 22 مىڭ ادام جىبەرىلدى, ونىڭ ىشىندە 3 مىڭ ادام وقۋدى اياقتادى. 1 قىركۇيەكتەن باستاپ تەگىن تەحنيكالىق جانە كاسىپتىك ءبىلىم الۋعا 22,3 جاس ازامات جىبەرىلەدى. ءبىرىنشى ۆيتسە-مينيستر قاتىسۋشىلارعا بەرىلەتىن ستيپەنديانىڭ مولشەرى 30%-عا ارتتىرىلىپ, 21 788 تەڭگەنى قۇرايتىنىن ايتتى.
سونىمەن قاتار, وقۋدىڭ تيىمدىلىگىن ارتتىرۋ ماقساتىندا وسى جىلدان باستاپ ءبىلىم بەرۋ ۇيىمدارىنا قويىلاتىن تالاپ كۇشەيتىلدى. «اتامەكەن» ۇلتتىق كاسىپكەرلەر پالاتاسىمەن بىرلەسىپ وقۋ ورىندارىنىڭ ءتىزىلىمى جاسالىپ, بەكىتىلدى. بۇگىنگى تاڭدا وعان 615 وقۋ ورنى مەن وقۋ ورتالىقتارى ەندى.
«جاپپاي كاسىپكەرلىكتى دامىتۋ» ەكىنشى باعىتىن ىسكە اسىرۋعا بيىل 83 ملرد تەڭگە ءبولىنىپ, 19 مىڭ ادامدى قامتۋ جوسپاردا بار.
«وسى جىلدىڭ 6 ايىندا 4 مىڭ شاعىن نەسيە بەرىلدى, ونىڭ ىشىندە اۋىلداردا – 3218, قالالاردا – 600 شاعىن نەسيە. ستارتاپ جوبالارىن قولداۋعا 2130 شاعىن نەسيە, زاكىرلى كووپەراتسيالاردى دامىتۋعا 286, جەكە ءىستى كەڭەيتۋگە 1402 شاعىن نەسيە بەرىلدى», — دەدى ە. جىلقىباەۆ.
شاعىن نەسيە الۋشىلاردىڭ ىشىندە ايەلدەردىڭ ۇلەسى 31,2%-دى قۇرايدى نەمەسە 1 622 شاعىن نەسيە بەرىلگەن, ال جاستاردىڭ ۇلەسى – 16,4 % قۇرايدى نەمەسە 855 شاعىن نەسيە بەرىلگەن.
سونىڭ ناتيجەسىندە, بيىل شاعىن نەسيە العان ادامدار جاڭا 5 مىڭ جۇمىس ورنىن قۇرعان, وڭ الەۋمەتتىك جاعدايعا قول جەتكىزدى.
جىل باسىنان بەرى «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋمەن 15 مىڭ ادام قامتىلدى, ونىڭ ىشىندە 12,5 مىڭ ادام بيزنەس جوبالارىن قورعاپ شىقتى.
«2019 جىلدىڭ سوڭىنا دەيىن وقيتىنداردىڭ سانىن ەكى ەسەگە ارتتىرىپ, قوسىمشا 40 مىڭ ادامدى وقىتۋدى جوسپارلاپ وتىرمىز. بۇعان قوسىمشا 3,2 ملرد تەڭگە كوزدەلۋدە», — دەدى ءبىرىنشى ۆيتسە-مينيستر.
مەملەكەت تاراپىنان تابىسى از, كوپ بالالى وتباسىلاردى جانە حالىقتىڭ باسقا دا الەۋمەتتىك وسال توپتارىن قولداۋ ماقساتىندا گرانتتار بەرۋگە 12 ملرد تەڭگە ءبولىندى. بۇگىندە 2 334 گرانت بەرىلدى.
ە. جىلقىباەۆ جۇمىسپەن قامتۋدى مەملەكەتتىك قولداۋ شارالارىن كەڭەيتۋ, وقىتۋ ساپاسىن ارتتىرۋ جانە كاسىپكەرلىكتى دامىتۋ ماقساتىندا كەلەسى شارالار قاراستىرىلعانىن اتاپ ءوتتى. ولاردىڭ قاتارىندا ءۇش جىل ىشىندە 200 مىڭعا جۋىق جاس ازاماتتاردى قامتيتىن 200 جاڭارتىلعان ءبىلىم بەرۋ ۇيىمدارىنىڭ بازاسىندا 100 سۇرانىسقا اسا يە يندۋستريالىق جانە سەرۆيستىك ماماندىقتار بويىنشا ماماندار دايارلاۋ, جىل سايىن 20 مىڭ جاستار وكىلدەرىن تارتۋ ارقىلى «باستاۋ بيزنەس» كاسىپكەرلىك نەگىزدەرىنە وقىتۋ, 505 مىڭ تەڭگەگە دەيىن وتەۋسىز مەملەكەتتىك گرانتتار بەرۋ.
