ايماق باسشىسى اۋدان ورتالىعى ارال قالاسىنداعى ارال بالىق وڭدەۋ زاۋىتىنا باردى. جەرگىلىكتى تابيعات پايدالانۋشىلارمەن پىكىرلەستى. كاسىپورىن بالىق ونىمدەرىن وندىرۋمەن, قايتا وڭدەۋمەن جانە ساتۋمەن اينالىسادى. ونىمدەرى رەسەي, پولشا, گوللانديا, گەرمانيا جانە اۆسترياعا ەكسپورتتالادى. اتالمىش كاسىپورىندا 40 جۇمىس ورنى قۇرىلعان, ماۋسىمدىق كەزەڭدە 100 ادامعا دەيىن جۇمىسپەن قامتيدى. زاۋىت وڭتۇستىك كورەيالىق تەحنولوگيا بويىنشا سالىنعان, جىلىنا 6 مىڭ توننا ءونىم وندىرەدى.
سونداي-اق, وبلىس اكىمى 6 بالانى تاربيەلەپ وتىرعان كوپ بالالى انا ديانا شۇيىنشاليەۆانىڭ ۇيىنە باردى. اعىمداعى جىلدىڭ ءساۋىر ايىنان باستاپ ديانا اي سايىن 154 739 تەڭگە كولەمىندە اتاۋلى الەۋمەتتىك كومەك الۋدا. ول كوپ بالالى وتباسىلارعا قولداۋ كورسەتكەنى ءۇشىن مەملەكەت جانە وبلىس باسشىلىعىنا العىسىن ءبىلدىردى.
بۇدان ءارى وبلىس اكىمى نەۆروپاتولوگيا, پسيحولوگيا, دەفەكتولوگيا جانە ماسساج تەراپياسى بويىنشا قىزمەت كورسەتەتىن «قۋانىش» جەكە مەديتسينالىق ورتالىعىنىڭ اشىلۋ سالتاناتىنا قاتىستى. ورتالىقتا مۇمكىندىگى شەكتەۋلى بالالاردى قايىرىمدىلىق نەگىزدە تەگىن ەمدەۋ جوسپارلانىپ وتىر.
سونىمەن قاتار, ساپار بارىسىندا شيجاعا ەلدىمەكەنىندە 100 ورىندىق كلۋب اشىلۋىنا قاتىستى. ونىڭ قۇرىلىسى 2018 جىلدىڭ قاراشا ايىندا باستالعان ەدى. ايماق باسشىسى تۇرعىنداردى جاڭا نىساننىڭ اشىلۋىمەن قۇتتىقتاپ, اۋىل اقساقالدارىمەن سۇحباتتاستى.
