جانبولات كەنجەعۇل
مونيتورينگ جۇمىستارى 10 بەكەتتە جۇرگىزىلگەن. جالپى العاندا, مامانداردىڭ حابارلاۋىنشا نۇر-سۇلتان قالاسى بويىنشا جوعارى دەڭگەيدە لاستانۋ جاعدايلارى تىركەلمەگەن.
24-25 شىلدە ارالىعىندا تاڭەرتەڭ جانە كەشكە ازداعان جوعارىلاۋ بايقالدى. №6 اۆتوماتتىق بەكەتتىڭ اقپاراتىنا سايكەس (اقجول كوشەسى, «استانا تازالىق» اعىندى سۋلار تۇندىرعىسى اۋماعى), رم – 2,5 قاتتى بولشەك بويىنشا - 1,0-1,8 شەكتى رۇقسات ەتىلگەن كونتسەنتراتسيا شاماسىنداعى جوعارىلاۋدىڭ 30 جاعدايى تىركەلگەن (ەڭ جوعارعىسى 25 شىلدەدە ساعات 08:00-دە). №7 اۆتوماتتىق بەكەتتىڭ مالىمەتى بويىنشا (تۇركىستان كوشەسى 2/1, رفمم), رم-2,5 قاتتى بولشەك بويىنشا – 1,1-1,8 شەكتى رۇقسات ەتىلگەن كونتسەنتراتسيا شاماسىنداعى جوعارىلاۋدىڭ 29 جاعدايى تىركەلگەن (ەڭ جوعارعىسى 25 شىلدەدە 08:20-دا).
فوتو اۆتورى جانبولات كەنجەعۇل
