نۇرسۇلتان نازارباەۆ شاۆكات ميرزيەەۆتى تۋعان كۇنىمەن قۇتتىقتاپ, زور دەنساۋلىق جانە مەملەكەتتىك قىزمەتىنە تولاعاي تابىس, ال باۋىرلاس وزبەكستان حالقىنا باق-بەرەكە تىلەدى.
تاراپتار سوڭعى جىلدارى قول جەتكىزىلگەن ۋاعدالاستىقتاردىڭ ارقاسىندا قازاقستان-وزبەكستان اراسىنداعى كوپقىرلى ىنتىماقتاستىق تىڭ سەرپىن الىپ, جاڭا ساپالى دەڭگەيگە كوتەرىلگەنىن اتاپ ءوتتى.
ءوزارا ساۋدا كولەمىنىڭ ارتۋىمەن جانە ەكونوميكالىق قاتىناستاردىڭ نىعايۋىمەن قاتار مادەني-گۋمانيتارلىق بايلانىستاردىڭ بەلسەندى دامىپ كەلە جاتقانىنا نازار اۋدارىلدى. اتاپ ايتقاندا, 2018 جىلى قازاقستانداعى وزبەكستان جىلى تابىستى ءوتتى, بيىل وزبەكستانداعى قازاقستان جىلى اياسىندا ءىس-شارالار وتكىزىلۋدە.
نۇرسۇلتان نازارباەۆ پەن شاۆكات ميرزيەەۆ كۇن تارتىبىندەگى وڭىرلىك ماسەلەلەردى دە تالقىلادى.
تاراپتار تاتۋ كورشىلىك رۋحىندا جانە ەكى ەل حالقىنىڭ يگىلىگى جولىندا دامىپ كەلە جاتقان قازاقستان-وزبەكستان ستراتەگيالىق قاتىناستارى ودان ءارى نىعايا تۇسەتىنىنە سەنىم ءبىلدىردى.
