ءمينيستردى مەكەمەنىڭ جۇمىس بارىسىمەن
تانىستىرعان تاراز قالالىق جۇمىسپەن قامتۋ ورتالىعىنىڭ ديرەكتورى باۋىرجان
تولەگەنوۆ ورتالىقتا وتكەن جىلى 12 مىڭنان اسا ادامنىڭ ءتۇرلى قىزمەتتەر العانىن
باياندادى.
سونىمەن قاتار ول مۇنداي جۇمىستار الداعى ۋاقىتتاردا دا جالعاسا بەرەتىنىن
جەتكىزدى. سونداي-اق وڭىرگە جۇمىس ساپارى بارىسىندا مينيستر «Barbershop» سۇلۋلىق
سالونىنا دا باردى. سالون جەتەكشىسى ايدا باتىربەكوۆا
وتكەن جىلى «ەڭبەك» باعدارلاماسى ارقىلى «دامۋ» قورىنان 5 ميلليون تەڭگە شاعىن
نەسيە الىپ, ءوز كاسىبىن اشقان. بۇگىندە كاسىپكەر بەس ادامدى تۇراقتى جۇمىسپەن
قامتىپ, جەرگىلىكتى تۇرعىندارعا شاش ۇلگىلەرىن جاساۋ, قىرقۋ سەكىلدى ءسان الەمىنىڭ
سۇرانىسىنا ساي قىزمەتتەر كورسەتىپ كەلە جاتقانىن باياندادى. ال, بەردىبەك
ساپارباەۆ ءوز كاسىبىن اشىپ, تۇرمىسىن تىكتەيمىن دەيتىن ازاماتتارعا مەملەكەت جانە
جەرگىلىكتى بيلىك تاراپىنان بارلىق قولداۋلار جاسالۋ كەرەكتىگىن باسا ايتتى.
سونىمەن قاتار مينيستر وبلىسقا جۇمىس ساپارى كەزىندە جامبىل وبلىستىق اكىمدىگىندە وتكەن جيىنعا دا قاتىستى. جيىندا ايماقتاعى اتاۋلى الەۋمەتتىك كومەكتىڭ بەرىلۋ جايى قارالىپ, سول تۇرعىداعى وزەكتى ماسەلەلەر تالقىلاندى. بۇدان كەيىن مينيستر بەردىبەك ساپارباەۆ جامبىل وبلىسىنىڭ ت.رىسقۇلوۆ اۋدانىندا بولىپ, جەرگىلىكتى حالىقتىڭ جانە اۋداندىق جۇمىسپەن قامتۋ ورتالىعىنىڭ جاي-كۇيىمەن تانىستى.
