- بۇل جەتىستىككە ءبىزدىڭ جەرگىلىكتى اتقارۋشى ورگاندار, قۇقىق قورعاۋ قۇرىلىمدارى جانە ازاماتتىق قوعام وكىلدەرىنىڭ ىنتىماعى, قاراپايىم تۇرعىنداردىڭ بەلسەندىلىگى ارقاسىندا جەتىپ وتىرمىز, - دەيدى سەرىك سۇيىنباەۆ.
اتاپ ايتقاندا, وڭىردە تىركەلگەن قىلمىس سانى 5%-عا ازايسا, 10 مىڭ ادامعا شاققانداعى قىلمىس سانى 8 تاراپ بويىنشا تومەندەگەن. اسىرەسە اسا اۋىر قىلمىستار 10%-عا, ورتاشا اۋىرلىقتاعى قىلمىس سانى 15%-عا تۇسكەن. سونىڭ ىشىندە كىسى ءولتىرۋ 37%-عا ازايعانى قۋانتادى.
پوليتسيا تاراتقان مالىمەتتەرگە قاراعاندا, دەنساۋلىققا اۋىر زارداپ كەلتىرۋ, زورلاۋ جانە بوپسالاۋ سەكىلدى اسا اۋىر قىلمىستار 100 پايىز اشىلعان. ءتۇرلى دارەجەدەگى ۇرلىق وقيعالارى ءۇشىن 1087 ادام تۇتقىندالىپ, 48 قىلمىستىق توپ اشكەرەلەنگەن.
- جىل باسىنان بەرى 423 باس مال قولدى بولعان, تەرگەۋ-ىزدەستىرۋ شارالارى ناتيجەسىندە 224 باس مال يەلەرىنە قايتارىلدى. مال ۇرلىعىنا قاتىستى 13 قىلمىستىق توپ ارەكەتى انىقتالىپ, 87 ادام جاۋاپكەرشىلىككە تارتىلدى, - دەيدى پولكوۆنيك. سەرىك سۇيىنباەۆ.
وڭىردە پوليتسيا جۇمىسىن اشىق ەتۋ, تۇرعىندارمەن جاقىن قارىم-قاتىناس ورناتۋ جانە ازاماتتارعا كەزەكتەن تىس قىزمەت كورسەتۋ ماقساتىندا جىل باسىنان بەرى 4 مارتە «جول بويىنداعى قابىلداۋ» شاراسى ۇيىمداستىرىلعان ەكەن. بۇل شارالارعا جالپى سانى 2121 ادام قاتىسىپ, ماماندارعا جولىعىپ نەمەسە تەلەفون شالىپ, اقىل-كەڭەس العان. بولاشاقتا دا بۇل اكتسيا جالعاسىن تابادى.
باتىس قازاقستان
