اتاپ ايتار بولساق, وبلىس اكىمدىگىنىڭ قولداۋىمەن بايزاق, جامبىل, جۋالى, قورداي, مويىنقۇم, مەركى جانە شۋ اۋداندارىنىڭ ۋچاسكەلىك پوليتسيا ينسپەكتورلارى سۋ جاڭا «نيۆا» جانە «ۋاز» ماركالى 131 بىرلىك ارنايى اۆتوكولىكپەن قامتاماسىز ەتىلدى. ال تالاس, ت.رىسقۇلوۆ جانە سارىسۋ اۋداندارىنا كولىك كەلەسى جىلدىڭ ءبىرىنشى جارتىجىلدىعىندا بولىنەتىن بولادى.
سالتاناتتى شارادا ءسوز العان نۇرجان كالەندەروۆ بارلىق ۋچاسكەلىك پوليتسيا ينسپەكتورلارىن قۇتتىقتادى. «وبلىس اكىمدىگى ىشكى ىستەر ورگاندارىمەن بىرلەسىپ, ايماقتا قوعامدىق ءتارتiپ پەن قاۋiپسiزدiكتiڭ ساقتالۋىن قامتاماسىز ەتۋدى ۇيىمداستىرىپ كەلەدى. جەرگىلىكتى اتقارۋشى ورگان تاراپىنان قوعامدىق ءتارتىپتى ساقتاۋعا بولىنەتىن قارجى كولەمى دە جىلدان جىلعا ۇلعايۋدا جانە ول ءوزىنىڭ وڭ ناتيجەسىن بەرۋدە. ياعني, وبلىستا بىلتىرعى جىلمەن سالىستىرعاندا اعىمداعى جىلدىڭ 6 ايىندا تىركەلگەن قىلمىستار سانى 9,2 پايىزعا تومەندەدى. ءبىز ءبىرىنشى كەزەكتە, قوعامدىق ءتارتىپتىڭ ساقتالۋىنا تىكەلەي جاۋاپتى, حالىقپەن تىعىز جۇمىس جاسايتىن ۋچاسكەلىك پوليتسيا ينسپەكتورلارىن قىزمەتتىك كولىكپەن قامتۋىمىز قاجەت», دەدى ول. ءوز سوزىندە پوليتسيا دەپارتامەنتىنىڭ باستىعى ارمان ورازاليەۆ وبلىس اكىمدىگىنە پوليتسيا دەپارتامەنتىنە ماتەريالدىق قولداۋ كورسەتكەنى ءۇشىن العىسىن ءبىلدىردى. «ىشكى ىستەر مينيسترلىگىمەن 2020 جىل – «ۋچاسكەلىك پوليتسيا ينسپەكتورلارىنىڭ جىلى» – دەپ جاريالاندى. وسىنى ەسكەرىپ, وبلىس اكىمدىگىنىڭ قولداۋىمەن وڭىرىمىزدەگى بارلىق ۋچاسكەلىك پوليتسيا ينسپەكتورلارى اۆتوكولىكپەن 100 پايىزعا قامتاماسىز ەتىلەتىن بولادى. ۋچاسكەلىك پوليتسيا ينسپەكتورلارىنا كولىك ءبولۋ ارقىلى ولاردىڭ شالعاي جاتقان اۋداندارعا ءجيى بارىپ تۇرۋىنا, پوليتسياعا تۇسكەن شاقىرتۋلارعا دەر كەزىنە جەتۋىنە, وتباسىلىق-تۇرمىستىق قىلمىستاردى جانە باسقا دا كوپتەگەن قۇقىق بۇزۋشىلىقتاردى تومەندەتۋگە, سونىمەن قاتار, قىلمىستىڭ وسۋىنە, سونىڭ ىشىندە مال ۇرلىعىنا جول بەرمەۋگە قول جەتكىزۋگە مۇمكىندىك بەرەدى», دەدى ول.
كەلەسى كەزەكتە نۇرجان كالەندەروۆ پەن ارمان ورازاليەۆ ۋچاسكەلىك پوليتسەيلەرگە سالتاناتتى تۇردە اۆتوكولىكتەردىڭ كىلتىن تابىستاپ, ءوز كەزەگىندە ينسپەكتورلار دا ايانباي قىزمەت ەتۋگە انت بەردى. ءىس-شارا سوڭى جاڭا اۆتوكولىكتەردىڭ سالتاناتتى شەرۋىمەن اياقتالدى.
