قاتىسۋشىلار جۇمىسىنىڭ كاسىبيلىگى مەن تيىمدىلىگىن قازاقستاننىڭ مەديتسينالىق جوعارى وقۋ ورىندارى مەن ۇيىمدارىنىڭ وكىلدەرى اراسىنان قازىلار القاسى, سونداي-اق يتاليا مەن گەرمانيانىڭ حالىقارالىق ساراپشىلارى باعالادى.
جارىس بارىسىندا كوماندالار بەلگىلى ءبىر كلينيكالىق ستانتسيالاردان وتۋمەن سيتۋاتسيالىق تاپسىرمالاردى شەشتى. مىسالى, انافيلاكتيكالىق شوك, نارەستەنىڭ رەانيماتسياسى, پوليتراۆما جانە باسقالار كەزىندە شۇعىل كومەك كورسەتۋ. "وقيعا" ورنىندا مانەكەندەر مەن ستاندارتتالعان پاتسيەنتتەر (پاتسيەنتتەردى بەينەلەيتىن ادامدار) قولدانىلدى.
ايتا كەتۋ كەرەك, 103 قىزمەتى تاۋلىگىنە 2900-گە دەيىن ءوتىنىش قابىلدايدى جانە 1800-گە دەيىن قىزمەت كورسەتەدى. تاۋلىگىنە ەلورداعا 80 گتقس بريگاداسى مەن 24 امسك شۇعىل جاردەم بريگاداسى قىزمەت كورسەتەدى.
ەلوردالىق جەدەل مەديتسينالىق جاردەم ستانتسياسى جوعارى بىلىكتى ماماندارى بار جانە ءوز ارسەنالىندا زاماناۋي جابدىقتارى, ءدارى-دارمەكتەر مەن سانيتارلىق اۆتوكولىگى بار قالانىڭ جەتەكشى ەمدەۋ-الدىن الۋ مەكەمەلەرىنىڭ ءبىرى بولىپ تابىلادى.
