ديسپەتچەر ايەلدىڭ مەكەنجايىن سۇراعان كەزدە جاۋاپ بەرۋدەن باس تارتادى. كەنەت ءبىراز ۋاقىتتان كەيىن «112» نومەرىنە بالاسى تەلەفون شالىپ, «ۇيدە قاعازدار جانىپ جاتىر, انام كوپ ءدارى ءىشىپ قويعاندىقتان وزىنە-ءوزى كەلە المادى» دەپ حابارلايدى. ديسپەتچەرلەر بالادان اتى-ءجونىن, اناسىنىڭ ەسىمىن, مەكەنجايىن تولىق الىپ, وقيعا ورنىنا جەتكەن كەزدە, كىلەم دە تۇتانىپ ۇلگەرگەن ەكەن.
– سەمەيدەگى №2 جاساعىنىڭ سپچ-2 قۇتقارۋشىلارى كەلىپ جەتكەن سوڭ, ازاماتتىق قورعانىس اعا لەيتەنانتى ا.مىڭجانوۆ بارلاۋ جۇرگىزىپ كورسە, ەكىنشى قاباتتاعى №6 پاتەردەن ءتۇتىن شىعىپ جاتىر ەكەن, – دەيدى سەمەي قالالىق توتەنشە جاعدايلار ءبولىمىنىڭ باس مامانى ايگۇل ميرسايتوۆا, – ەسىكتى قاققانمەن ەشكىم اشپادى. بالانىڭ دا داۋسى ەستىلمەدى. بۇدان سوڭ ا.مىڭجانوۆ اعا ءورت ءسوندىرۋشى ب.قاليتوۆكە جانە كولىك جۇرگىزۋشىسى م.باياحمەتوۆكە ءۇش دەڭگەيلى ساتىنى ءۇيدىڭ سىرت جاعىنان قويىپ, تەرەزە ويىعىنان كىرۋگە تىرىسۋدى تاپسىردى. قالعان قۇتقارۋشىلار ەسىكتى اشۋ ءۇشىن قۇرال-جابدىقتارمەن قۇلپىن قوزعاپ جاتتى. ءتۇتىن باسىپ كەتكەن بولمەگە كىرگەن كەزدە ءورت سوندىرۋشىلەر جەردە جانىپ جاتقان زاتتاردى جانە 0,5 شارشى مەتردەگى پالاستى كورگەن. بولمەدە 1976 جىلى تۋعان ازاماتشا مەن 2013 جىلى تۋعان بالا بولعان. ايەل ادام ديۆاندا جاتىپ, بالانى جىبەرمەي ۇستاپ قالىپتى.
قۇتقارۋشىلار ايەل ادامدى تازا اۋاعا الىپ شىعىپ, جەدەل ءجاردەم كەلگەنشە العاشقى كومەك كورسەتتى. ءورت ءسوندىرىلدى. جەدەل جاردەم ايەلدى سەمەيدەگى بۇيرەك اۋرۋلارى ورتالىعىنىڭ توكسيكولوگيا بولىمىنە جەتكىزدى, دەدى ايگۇل ميرسايتوۆا. بالانى قاراعان دارىگەرلەر ونىڭ امان-ەسەن ەكەندىگىن ايتادى. سەمەيدەگى ءورت سوندىرۋشىلەر مەن قۇتقارۋشىلار جاساعىنىڭ جەدەل قيمىلىنا وراي قايعىلى جاعداي ورىن المادى.
سەمەي
