«الداعى 2019-2020 وقۋ جىلدارىندا 1-سىنىپقا 21 600 وقۋشى بارادى دەپ جوسپارلانىپ وتىر. بۇل وتكەن جىلمەن سالىستىرعاندا 2200 وقۋشىعا ارتىق. جالپى, جاڭا وقۋ جىلىندا 293 مەكتەپتە 164 500 وقۋشى ءبىلىم الادى دەپ كۇتىلۋدە. ۇستىمىزدەگى جىلدىڭ 1 ماۋسىمىنان باستاپ 1-سىنىپقا قابىلداۋ پروتسەسى اۆتوماتتاندىرىلعان جۇيەگە قوسىلدى. قازىرگى تاڭدا 1-سىنىپقا قابىلداناتىن بالالاردىڭ مولتەك اۋداندار بويىنشا مەكتەپتەرگە ورنالاستىرۋ كارتاسى دايىن»,-دەدى م.مەلدەبەكوۆا.
بۇگىندە, جاڭاقورعان اۋدانىندا №169 جانە جالاعاش اۋدانىندا №34 مەكتەپتىڭ قۇرىلىسى جۇرگىزىلىپ جاتىر. قۇرىلىس جۇمىستارى 2020 جىلى اياقتالادى. قىزىلوردا قالاسىندا 600 ورىندىق مەكتەپ سالىنۋدا, ونى قازان ايىندا تاپسىرۋ جوسپارلانعان. سونىمەن قاتار, 1450 ورىندىق 3 جەكەمەنشىك مەكتەپ سالىنىپ جاتىر.
قىزىلوردا قالاسىندا مەملەكەتتىك-جەكەمەنشىك ارىپتەستىك نەگىزىندە 320 ورىنعا ارنالعان 1 جەكە بالاباقشا قىركۇيەك ايىنا دەيىن پايدالانۋعا بەرىلەدى.
