ايماقتار • 23 شىلدە، 2019

قىزىلوردادا «باقىتتى وتباسى» باعدارلاماسى باستالدى

832 رەتكورسەتىلدى

قىزىلوردادا باسپانالى بولۋعا ارنالعان جاڭا الەۋمەتتىك باعدارلاماعا قۇجات جيناۋ باستالدى دەپ حابارلايدى وڭىرلىك كوممۋنيكاتسيالار ءباسپاسوز قىزمەتى.

«باقىتتى وتباسى» باعدارلاماسى دەپ اتالاتىن جاڭا باعدارلاما 3 سانات بويىنشا ازاماتتاردان قۇجات قابىلدايدى. 4 جانە ودان كوپ كامەلەتتىك جاسقا تولماعان بالالارى بار كوپبالالى وتباسىلار جانە كامەلەتتىك جاسقا تولماعان بالالارى بار تولىق ەمەس وتباسى، وتباسىندا مۇمكىندىگى شەكتەۋلى بالاسى بار وتباسىلار باعدارلاماعا قاتىسا الادى. بۇل تۋرالى بۇگىن جۋرناليستەرمەن وتكەن بريفينگتە «تۇرعىن ءۇي قۇرىلىس جيناق بانكى» قىزىلوردا وبلىستىق فيليالىنىڭ ديرەكتورى ءادىلجان ساۋلەباەۆ مالىمدەدى.

ايتۋ كەرەك، باعدارلاماعا قاتىسۋ ءۇشىن وتباسىنىڭ ءار مۇشەسىنە كەلەتىن تابىستىڭ مولشەرى 42500 تەڭگەدەن اسپاۋى كەرەك. ماسەلەن، ەگەر وتباسى 5 ادامنان تۇراتىن بولسا، وندا ونىڭ جالپى كىرىسى 212500 تەڭگەدەن ارتىق بولماۋى ءتيىس. ياعني، بۇل بيۋدجەتتىك جاردەماقى ەمەس، جۇمىس ورنىنان بەرىلەتىن قاراجات بولۋى شارت.

قۇجاتتار شىلدەنىڭ 22-26-سى ارالىعىندا قابىلدانادى. ەسكەرەتىنى، پاتەر قۇنى 10 مل تەڭگە بولعان جاعدايدا تۇرعىن ءۇي قۇرىلىس جيناق جۇيەسى اياسىندا تولەم مولشەرى العاشقى 8 جىل ىشىندە الدىن الا زايم بويىنشا 52600 تەڭگەنى قۇراسا، ال قالعان 11 جىل بويى تۇرعىن ءۇي زايمى بويىنشا 36 مىڭ تەڭگەدەن تولەنۋى كەرەك.

سوڭعى جاڭالىقتار

ۇقساس جاڭالىقتار