مينيسترلىكتىڭ مالىمەتى بويىنشا, قىتاي قازاقستاننىڭ سىرتقى ساۋدا قۇرىلىمىندا ەكىنشى ورىندى الادى.
«2018 جىلدىڭ قورىتىندىسى بويىنشا قازاقستاننىڭ قىتايمەن سىرتقى ساۋداسى 11,1%-كە ءوستى جانە 11,7 ملرد اقش دوللارىن قۇرادى», دەدى رومان سكليار.
2013 جىلى قازاقستان استاناسىندا قحر توراعاسى سي ءتسزينپيندىڭ مەملەكەتتىك ساپارى كەزىندە «ءبىر بەلبەۋ-ءبىر جول» باستاماسى ايتىلدى. وسى باستاماعا قازىرگى ۋاقىتتا 122 مەملەكەت پەن 30 حالىقارالىق ۇيىم قوسىلدى. بۇل جوبا جاھاندىق ءىجو-ءنىڭ 40%-ءىن جانە الەمنىڭ 4,4 ملرد حالقىن قامتيدى. بۇل رەتتە, وسى باستامامەن قاراستىرىلعان 3 قۇرلىقتاعى 2 مارشرۋت قازاقستان اۋماعى بويىنشا وتەدى.
