جاقىندا داريان اۋىلىندا 68 جاستاعى زەينەتكەردىڭ «يج-2126» اۆتوكولىگىنەن بەلگىسىز بىرەۋلەر بالىق اۋلايتىن قارماق-قۇرالدارىن ۇرلاپ كەتكەن ەكەن.
بايتەرەكتىك پوليتسيا قىزمەتكەرلەرى «قاۋىپسىز اۋلا» جۇيەسىندەگى كامەرا جازباسىن قاراپ, سۇعاناقتى بىردەن تاپتى. ۇرى 16 جاسار بوزبالا بولىپ شىقتى. پريۋرال پوليتسيا ءبولىمى ۇرلىق وقيعاسى بويىنشا تەرگەۋدى باستاعان.
وسىدان ءبىر اي ۋاقىت بۇرىن بايتەرەك اۋدانىندا ىسكە قوسىلعان «سۇڭقارسمارتسيتي» بەينەباقىلاۋ جۇيەسىن ورالدىق «ەلايتس» جشس ماماندارى ويلاپ تاپقان. ءسويتىپ مەملەكەت پەن جەكەمەنشىك ارىپتەستىگى نەگىزىندە اقىلدى باعدارلاما العاش رەت بايتەرەك اۋدانىنىڭ 8 ەلدىمەكەنىندە ىسكە قوسىلعان بولاتىن. اۋداندا ورناتىلعان بارلىق 243 كامەرا ءبىر ورتالىقتان باسقارىلادى.
- جۇيە ىسكە قوسىلعالى بەرى وسى كامەرا جازبالارىنىڭ كومەگىمەن 8 قىلمىس اشىلدى. ونىڭ ءبىرى – كىسى ولىمىنە قاتىستى اسا اۋىر وقيعا بولاتىن, - دەيدى باتىس قازاقستان وبلىستىق پوليتسيا دەپارتامەنتى ءباسپاسوز قىزمەتىنىڭ مامانى ءاليا ناۋرىزعاليەۆا.
باتىس قازاقستان
