وتكەن اپتانىڭ دەمالىس كۇندەرى 5 بالا سۋعا كەتىپتى. ماماندار بالالاردى ءبىر ساتكە دە قاراۋسىز قالدىرۋعا بولمايدى, سۋعا تۇسۋدە ساقتىق شارالارىنا نازار اۋدارتىپ, دابىل قاعۋدا.
جالپى وڭىردە سۋعا شومىلۋعا بولاتىن 29 ورىن بار. قاۋىپتى ايماقتارعا 141 بەلگى ورناتىلدى. تۇرعىنداردىڭ سۋ جاعاسىنا كەلىپ وسى رۇحسات ەتىلگەن ورىنداردا دەمالۋلارىنا بولادى.
وقىس وقيعالار ورىن العان جاعدايدا وڭىردە ارنايى سۇڭگۋىرلىك توپ جۇمىس ىستەيدى. ولار اقىسىز قىزمەت كورسەتەدى. ال, ساقتىق ەرەجەلەرىنە قۇلاق اسپاعان 100 ادام اكىمشىلىك جاۋاپكەرشىلىككە تارتىلعان.
سونداي-اق بۇگىندە توتەنشە جاعدايلار وكىلدەرى مەن جەرگىلىكتى پوليتسيا قىزمەتى جانە ەرىكتىلەر توبى جاعالاۋلاردا تۇسىندىرمە جۇمىستارىن جۇرگىزۋدە. بۇگىنگە دەيىن 125 رەيدتىك شارا ۇيىمداستىرىلىپ, 13135 جادىناما پاراقشالار تاراتىلعان. مامانداردىڭ ايتۋىنشا, وڭىردە سۋعا تۇسۋگە بولمايتىن بىرنەشە جەر انىقتالعان. مىسالى, اقتوعاي اۋدانى ورتالىعىنداعى جاعاجاي بويىندا تەرەڭدىگى 5 مەترگە جۋىق قۇلاما جار بار. سونداي-اق اققۋلى اۋىلى مەن شارباقتى اۋدانىنىڭ ورتالىعىندا ءتيىستى ينفراقۇرىلىم قۇرىپ, دەمالۋشىلارعا جاعداي جاساۋ قاجەت.
