م. تاكيەۆتىڭ ايتۋىنشا, قازاقستاندا ءمجا دامۋى 2006 جىلى «كونتسەسسيالار تۋرالى» زاڭنىڭ قابىلدانۋىنان باستاۋ الىپ, 2015 جىلى «مەملەكەتتىك-جەكەشەلىك ارىپتەستىك تۋرالى» زاڭنىڭ قابىلدانۋىمەن قارقىندى تۇردە دامۋىن باستادى.
وسى جىلدىڭ 1 شىلدەسىندەگى جاعداي بويىنشا قۇنى 1,29 ترلن تەڭگەنى قۇرايتىن 565 شارت جاسالدى. سولاردىڭ ىشىندە 9-ى — رەسبپۋليكالىق جانە 556-سى — جەرگىلىكتى جوبالار. قۇنى 1,89 ترلن تەڭگەگە تەڭ 620 جوبا دايىندىق ساتىسىندا.
«جوبالاردىڭ باسىم بولىگى ءبىلىم بەرۋ, دەنساۋلىق ساقتاۋ, تۇرعىن ءۇي كوممۋنالدىق شارۋاشىلىق, مادەنيەت جانە سپورت سالالارىنا كەلىپ تۇر», — دەپ ناقتىلادى ۆيتسە-مينيستر.
ءبىلىم بەرۋ سالاسىندا كوبىنە ءمجا تەتىكتەرى ارقىلى بالاباقشالار سالىنىپ جاتىر. 4 جىلدىڭ ىشىندە مەكتەپكە دەيىنگى ءبىلىم بەرۋ مەكەمەلەرىنە دەگەن اششى تاپشىلىق رەسپۋبليكا بويىنشا جابىلدى دەۋگە بولادى. بۇگىندە ءمجا تەتىگى ارقىلى 29 مىڭ ورىنعا شاقتالعان 219 بالاباقشا جۇمىس ىستەپ تۇر.
2016–2019 جىلدارعا ارنالعان ءبىلىم بەرۋدى دامىتۋدىڭ مەملەكەتتىك باعدارلاماسى اياسىندا ستۋدەنتتەر ءۇشىن قاراعاندى, باتىس قازاقستان, سولتۇستىك قازاقستان وبلىستارىندا جاتاقحانالار سالۋ جوبالارى جوسپارلانۋدا.
سونىمەن قاتار كوللەدجدەردى سەنىمگەرلىك باسقارۋعا بەرۋ بويىنشا جانە جازعى لاگەرلەر جەلىسىن كەڭەيتۋ بويىنشا تەتىكتەر ازىرلەنۋدە. وسىلاي ءبىلىم جانە عىلىم مينيسترلىگى اتالعان تەتىكتى قولدانۋ ارقىلى 2023 جىلعا دەيىن جازعى ۋاقىتتا شامامەن 500 مىڭ بالا دەمالاتىن, لاگەرلەر سانىن 236-دان 1000-عا شەيىن جەتكىزۋ جوسپارلانۋدا. ءمجا اياسىندا مەكتەپتەگى تاماقتانۋدى ۇيىمداستىرۋ ماسەپەسى ءساتتى شەشىلۋدە, اقمولا وبلىسىندا مەكتەپ اسحاسىن سەنىمگەرلىك باسقارۋعا بەرۋ بويىنشا 21 شارت جاسالعان, ىسكە اسىرىلۋى بويىنشا ءارتۇرلى ساتىداعى ۇقساس جوبالار شىعىس قازاقستان, سولتۇستىك قازاقستان, تۇركىستان وبلىستارىندا جۇزەگە اسىرىلۋدا.
قازىرگى تاڭدا دەنساۋلىق ساقتاۋ مينيسترلىگىمەن ءمجا اياسىندا ونكولوگيالىق اۋرۋلارعا مەديتسينالىق جابدىقتى ساتىپ الۋ جۇرگىزىلىپ جاتىر. جالپى, دەنساۋلىق ساقتاۋ سەكتورىندا جوبالاردىڭ كەڭ اۋقىمى بار. مەديتسينالىق مەكەمەلەر, امبۋلاتوريالىق كلينيكالار, مەديتسينالىق تەحنيكالار ساتىپ الىنۋدا, مەملەكەتتىك-جەكەشەلىك ارىپتەستىك ارقىلى سالىنىپ, جاڭارتىلىپ, پايدالانىلۋدا.
پەرسپەكتيۆالىق باعىتتاردىڭ ءبىرى — سپورت سالاسىندا مەملەكەتتىك-جەكەشەلىك ارىپتەستىك تەتىگىن دامىتۋ. وڭىرلەردە سپورتتىق نىساندار اشىلۋدا, 48 كەلىسىمشارت جاسالدى. مىسالى, جەكەشە سەرىكتەستەر سپورت مەكتەپتەرىنە سپورتتىق وبەكتىلەر ءۇشىن بۇرىن وندىرىستىك الاڭدار بولعان ءۇيجايلاردى جالعا بەرەدى.
تۇرعىن ءۇي-كوممۋنالدىق شارۋاشىلىق سالاسىندا قالالىق كوگالداندىرۋ بويىنشا مەملەكەتتىك-جەكەشەلىك ارىپتەستىك جوبالارى تيراجدالاتىن بولدى, ترەندتى باستاعان الماتى قالاسى. وسىنداي جوبا اتىراۋ قالاسىندا باستاۋ الايىن دەپ جاتىر.
بۇدان وزگە, پرەزيدەنت تاپسىرماسىنا سايكەس تاريفتەر, اقىلى قىزمەتتەر جانە باسقا دا نارىقتىق قۇرالدار ەسەبىنەن ينۆەستيتسيالاردىڭ قايتارىمدىلىعىن قامتاماسىز ەتە وتىرىپ, ەنەرگەتيكا, ونەركاسىپ, اۋىل شارۋاشىلىعى سالالارىندا جانە ينفراقۇرىلىمدىق جوبالاردا مەملەكەتتىك-جەكەشەلىك ارىپتەستىكتى جانداندىرۋ جۇمىسى باستالدى.
