شارانى قر سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ باسشىسى بولات جىلقىباەۆ اشىپ, ۇيىمداستىرۋشىلارعا العىسىن بىلدىرە وتىرىپ, وسىنداي شارالاردى وتكىزۋدىڭ ماڭىزدىلىعىنا توقتالىپ ءوتتى. ال دەپارتامەنتتىڭ سىبايلاس جەمقورلىق پروفيلاكتيكاسى باسقارماسىنىڭ باسشىسى قۋاندىق ابەلدينوۆ اگەنتتىك تاراپىنان قولعا الىنعان جوبالار, اتاپ ايتقاندا «ماڭعىستاۋ ادالدىق الاڭى», «Protecting business and investments», «سانالى ۇرپاق», «ادال جول», ارنايى مونيتورينگ توبىنىڭ ماقساتى مەن مىندەتتەرى, سونىمەن بىرگە سىبايلاس جەمقورلىق دەرەكتەرى بويىنشا حابار بەرۋگە مۇمكىندىك بەرەتىن 1424 كولل-ورتالىعى تۋرالى تولىقتاي اقپارات بەردى.
وقىتۋ بارىسىندا «Transparency Kazakhstan» قق اتقارۋشى ديرەكتورى ولگا شيان Cىبايلاس جەمقورلىققا قارسى «Transparency Kazakhstan» جازدىق مەكتەبىنىڭ تىڭداۋشىلارىنا سىبايلاس جەمقورلىققا قارسى ءىس-قيمىلداعى حالىقارالىق تاجىريبەلەرگە شولۋ, سىبايلاس جەمقورلىققا قارسى ءىس-قيمىل سالاسىنداعى قولدانبالى قۇرالدار مەن ولاردى ىسكە اسىرۋ تۋرالى مەرزىمدەرى كورسەتىلگەن ۇسىنىستار, سىبايلاس جەمقورلىققا قارسى جۇرگىزىلگەن ىنتىماقتاستىقتىڭ تيىمدىلىگى تۋرالى ناقتى مىسالدار جانە سىبايلاس جەمقورلىقتىڭ تەرىس اسەرىن جويۋ ءۇشىن قولدانىلاتىن ستراتەگيالارى تۋرالى ناقتى تۇسىنىك بەرىپ ءوتتى.
ترەنينگتەرگە ۇكىمەتتىك ەمەس ۇيىمدار وكىلدەرى, قوعام بەلسەندىلەرى, وقىتۋشىلار جانە قالا تۇرعىندارىنان تۇراتىن 30-عا جۋىق تىڭداۋشى قاتىستى.
كەزدەسۋ بارىسىندا قاتىسۋشىلاردىڭ تاقىرىپ بويىنشا كوكەيدەگى سۇراقتارىنا ناقتى جاۋاپ بەرىلىپ, قاتىسۋشىلار سىبايلاس جەمقورلىققا قارسى مادەنيەتتى قالىپتاستىرۋ باعىتىنداعى ءىس-شارالاردى ۇيىمداستىرۋعا ءوز ۇلەستەرىن قوساتىندارىن اتاپ ءوتتى.
شارا سوڭىندا تىڭداۋشىلارعا سىبايلاس جەمقورلىققا قارسى جازعى مەكتەبىندە وقىعانى تۋرالى سەرتيفيكاتتار تابىستالدى.
ماڭعىستاۋ وبلىسى
