يۋليا پۋتينتسەۆا العاشقى اينالىمدا يندونەزيا وكىلى دجانينە چەندى ءۇش سەتكە سوزىلعان تارتىستى كەزدەسۋدە جەڭدى – 3:6, 6:3, 6:4. ەكى ساعات التى مينۋتقا سوزىلعان ماتچتا قازاقستاندىق تەننيسشى جىگەر تانىتىپ, ەسەپتە كەيىن قالىپ قويسا دا, ويىندى ءوز پايداسىنا بۇرا ءبىلدى. پۋتينتسەۆا ەكى ەيس جاساعان. ال قارسىلاسى 12 ەيس ورىنداعانىمەن, توعىز رەت قوس قاتەلىككە جول بەردى.
وسىلايشا يۋليا پۋتينتسەۆا ءتۋرنيردىڭ ەكىنشى اينالىمىنا شىقتى. ەندى ول قازاقستاننىڭ ءبىرىنشى راكەتكاسى ەلەنا رىباكينامەن كەزدەسەدى. بۇل ماتچ قازاقستاندىق تەننيس ءۇشىن ايرىقشا وقيعا بولماق.
ءتورت بىردەي تەننيسشىمىز الەمدىك رەيتينگتىڭ توپ-10 تىزىمىنە ەندى
ايتا كەتەيىك, ءدال وسى كۇندەرى ەل ىشىندە دە فۋتبولدان قازاقستان پرەمەر-ليگاسىنىڭ ءۇشىنشى تۋر ويىندارى ءوتىپ جاتىر. 20-22 ناۋرىز ارالىعىندا سەگىز ماتچ جوسپارلانعان.
