ءبىر ءۇيدىڭ ءتورت بالاسى جاقىن ماڭايداعى ورمانعا بارعان. شاماسى ولار اسا ۋلى وسىمدىك سانالاتىن قاسقىر جيدەگىن جەپ قويعان ءتارىزدى.
ۇيلەرىنە كەلگەننەن كەيىن باستارى اينالىپ وزدەرىن جايسىز سەزىنگەن. جۇرەكتەرى اينىپ, لوقسىعان. انالارى ەشنارسەدەن كۇدىكتەنبەگەن. تەك بەس جاستاعى ءسابي ۇيىقتاعان كۇيى ويانباعاننان كەيىن عانا دابىل قاققان. ءۇش بالا ساناۆياتسيامەن وبلىستىق بالالار اۋرۋحاناسىنا جەتكىزىلگەن
«11 جانە 8 جاسار جەتكىنشەكتەر مەن 8 ايلىق نارەستە اۋرۋحاناعا جاتقىزىلدى. بالالار بەلگىسىز جيدەكتى جەگەندەرىن ايتتى. كەلىپ تۇسكەن كەزدە ۇشەۋىنىڭ دە جۇرەگى اينىپ, لوقسىدى, ءىشى ءوتتى. بالالاردىڭ جاعدايى وتە اۋىر بولاتىن. ەم-دوم دەزينتوكسيكاتسيالىق تەراپياعا باعىتتالدى. كەلەسى كۇنى بالالار تاۋىرلەنىپ, نەفرولوگيا بولىمىنە اۋىستىرىلدى. قازىر جاعدايى بىرقالىپتى, اۋرۋحانادان شىقتى», دەيدى وبلىستىق بالالار اۋرۋحاناسىنىڭ انەستەزيولوگ دارىگەرى ەكاتەرينا جيۆنودەي.
سولتۇستىك قازاقستان وبلىسى
