اشىق ازيا كۋبوگىنىڭ سالتاناتتى اشىلۋىنا ازيا دزيۋدو وداعىنىڭ سپورت ديرەكتورى دەۆيت كارتەر, ازيا دزيۋدو وداعىنىڭ تورەشىلەر كوميسسياسىنىڭ مۇشەسى مۋن ۆون باە, قازاقستان دزيۋدو فەدەراتسياسىنىڭ باس حاتشىسى اسحات جەتكەەۆ, ماڭعىستاۋ دزيۋدو فەدەراتسياسىنىڭ پرەزيدەنتى اسىلبەك جولدىباەۆ قاتىستى.
- اقتاۋداعى ازيا كۋبوگى - 2020 جىلى توكيودا وتەتىن وليمپيادا ويىندارىنىڭ الدىنداعى سوڭعى جارىستاردىڭ ءبىرى. سوندىقتان بۇل جارىس توكيوعا باراتىن سپورتشىلار ءۇشىن بەرەرى مول جارىس بولماق. دزيۋدوشىلاردىڭ رەيتينگىن كوتەرۋگە ءوز ىقپالىن تيگىزەدى. ياعني, 1 ورىن العان بالۋان 100 ۇپاي, 2 ورىندى العاندار 60 ۇپايدى, ال 3 ورىندى يەلەنگەندەر 40 ۇپايدى ەنشىلەيدى, دەدى ماڭعىستاۋ دزيۋدو فەدەراتسياسىنىڭ پرەزيدەنتى اسىلبەك جولدىباەۆ.
ەكى كۇنگە سوزىلعان دودادا 7 التىن, 8 كۇمىس جانە 10 قولا مەدالمەن رەسەي قۇراماسى مەدال كەستەسىندە كوش باستادى. قازاقستان قۇراماسى 4 التىن, 2 كۇمىس جانە 10 قولا جۇلدەنى ەنشىلەپ, ەكىنشى ورىنعا جايعاستى. وڭتۇستىك كورەيا قۇراما كومانداسى بولسا 2 التىن, 3 قولامەن ۇزدىك ۇشتىك قاتارىنان كورىندى.
ازيا عانا ەمەس, ەۋروپا قۇرلىعىنان دا سپورتشىلار قاتىسقان حالىقارالىق دزيۋدو فەدەراتسياسىنىڭ كۇنتىزبەسىنە سايكەس بيىل ەكىنشى رەت ازيا كۋبوگى رەتىندە ۇيىمداستىرىلعان اقتاۋداعى ءتۋرنيردىڭ ۇيىمداستىرىلۋى مەن بارىسىن, گەوگرافياسىن ساراپشىلار جوعارى باعالادى. JUA سپورت ديرەكتورى دەۆيد كارتەردىڭ ايتۋىنشا, جىلدان جىلعا قاتىسۋشىلار اسنى ارتىپ كەلە جاتقان جارىس الداعى ۋاقىتتا قاتىسۋشىلار سانى مەن ساپاسى جاعىنان جوعارى دارەجەگە جانە جوعارى دەڭگەيگە جەتۋى مۇمكىن.
