ەلجانا تانيەۆا سەكىرتپەمەن جاتتىعۋدا فينالعا جولداما الىپ, جۇلدەگە قول سوزىم جەردەن توقتادى. ول 14.200 ۇپايمەن ءتورتىنشى ورىنعا تابان تىرەدى. بۇل سىندا جۇلدەلى ءۇش ورىندى رەسەي, يتاليا جانە ءازىربايجان سپورتشىلارى يەلەندى.
دوپپەن جاتتىعۋدا فينالعا وتكەن سابينا باكاتوۆا 17.750 ۇپايمەن جەتىنشى ورىنعا تۇراقتادى. بۇل جاتتىعۋدا رەسەي, ءازىربايجان جانە يزرايل سپورتشىلارى ءوزارا جۇلدە ءبولىستى. توپتىق جاتتىعۋدان كوپسايىس قورىتىندىسى بويىنشا قازاقستان 18-ءشى ورىن الدى. ال كوماندالىق سىندا ءبىزدىڭ سپورتشىلار 13-ءشى ورىنعا تابان تىرەگەن.
