سۋرەتتى تۇسىرگەن: ۆالەري بۋگاەۆ
مەرەكەگە ارنالعان وزەن بويىمەن جۇرگەن 11 كەمەنىڭ سەرۋەن كەرۋەنىن تامشالادى. قالا اكىمدىگى 17 شىلدە-20 شىلدە ارالىعىنا ارنالعان ارنايى باعدارلاما جاساپ, مەرەكەنى 5 كۇن بويى اتاپ ءوتتى. ويتكەنى, جەرگىلىكتى تاريحشىلاردىڭ پايىمداۋىنشا,پاۆلودار قالاسى 299 جاسقا تولىپتى.
باعدارلامادا ميني-فۋتبول, كوڭىلدى جارىستار, وتباسىلىق ەستافەتا «Týǵan qala – رودنوي گورود» كورمەسى, سۋرەتشىلەر سالونى, قالا تاريحى بويىنشا تاقىرىپتار ەكسكۋرسيالار بولدى.
وتباسىلار ءۇشىن تەمىرتاۋ قالاسى زووباعى, رەسەيلىك مەملەكەتتىك تسيركى ونەر كورسەتتى. ال, بالالار شىعارماشىلىق مەكتەپتەرىنىڭ, كوللەدجدەر مەن جوعارعى وقۋ ورىندار ستۋدەنتتەرىنىڭ سۋرەتتەرى قالا تۋرالى سالدى.
وتباسىلىق-ويىن الاڭدارى,»شەبەرلەر قالاسى» - «گورود ماستەروۆ» ساندىك-قولدانبالى ونەر بۇيىمدارىنىڭ ساۋدا-كورمەسى, «DanceFusion» مۋزىكا جانە بي جارىستارى كەلۋشىلەرگە ۇسىنىلدى.
مەرەكە سوڭىندا جاعالاۋداعى ساحنادا وبلىس ورتالىعىنىڭ وركەندەۋىنە ۇلەس قوسقان تۇرعىندارعا «قالانىڭ قۇرمەتتى ازاماتى» اتاقتارى بەرىلدى. سونىمەن بىرگە مەيىرىمدى جاندار «جومارت جۇرەك» نوميناتسياسى بويىنشا ماراپاتتالدى. جانە دە قالا ويىنشا «ۇزدىك ءۇي», «ۇزدىك اۋلا» بايقاۋلارىنىڭ قورىتىندىسى شىعارىلدى.
جاعالاۋدا جاسالعان اسەم ساحنادا قايرات باەكەنوۆ, «فورمات» توبى جانە داستان ورازبەكوۆتەر ونەر كورسەتتى. وسى جەردە ءتۇرلى كورمەلەر ۇيىمداستىرىلىپ, سپورتتىق جارىستار دا ءوتتى. قالا كۇنىن مەرەكەلەۋ اياسىندا زەينەتكەرلەر قوعامدىق كولىكتەردە تەگىن ءجۇردى.
