ال باتىر جىگىتتىڭ بايانى مۇنىمەن بىتكەن ەمەس. ادام جانىن اراشالايمىن دەپ ارپالىسىپ جۇرگەندە, بالتىرىن يتكە قاپتىرادى. باسقا ءۇيدىڭ «ءبورىباسارى» باس سالسا ءبىر ءسارى عوي, جانعان ءۇيدىڭ ءيتى «جاعالاسقانى» قالاي جانعا باتپاس؟! بىراق اسكەري ءومىر ابدەن شىڭداعان ءادىلجاننىڭ جولىنا بۇل جايتتاردىڭ ءبىر دە بىرەۋى توقتاۋ بولا العان جوق.
الاۋلاعان قىزىل جالىن كورشى ءۇيدىڭ شاتىرىنا دەيىن شارپىپ, ول جاققا دا كومەك قولىن سوزادى. كەيىننەن وتكەن جايتتى ەسىنە العان باتىر جىگىت ەرلىكتىڭ ەشقاشان ەسەپپەن جاسالمايتىنىن, سول ساتتە اللا تاعالانىڭ ءوزى بويىڭا بۇلا كۇش قۇياتىنىن, سونىڭ ارقاسىندا ەش قورقىنىشتى سەزبەگەنىن العا تارتتى.
دارىگەرلەردىڭ ايتۋىنشا, قۇتقارعان جانداردىڭ جاعدايى قازىر قالىپتى كورىنەدى. ال اسكەري قىزمەتكەردىڭ ءوزىن يت قابۋعا قارسى ەكپە سالۋ ءۇشىن ەمحاناعا اكەتىپتى.
بىزگە بەلگىلى بولعانداي, كاپيتان ءادىلجان اكىرەەۆ ءتورت بالا تاربيەلەپ وتىرعان جان. ۇلتتىق ۇلاننىڭ 5572 ءاسكەري بولىمىندە توپ كومانديرىنىڭ ورىنباسارى قىزمەتىن اتقارادى ەكەن.
«ەگەمەن-اقپارات»
