- شارا بارىسىندا رەسپۋبليكالىق «اباي» جۋرنالىنىڭ جاستار جىلىنا ارنالعان ارنايى شىعارىلىمى تانىستىرىلىپ, جۋرنالعا ولەڭدەرى شىققان اقىندار جارىق كورگەن شىعارمالارىن ورتاعا سالدى,- دەدى مامان دۋمان كەنجەعازين,-وتىرىس قورىتىندىسى بويىنشا الداعى ۋاقىتقا جوسپارلار بەلگىلەنىپ, جاستار جىلى اياسىندا اتقارىلاتىن شىعارماشىلىق شارالاردىڭ ءوتۋ بارىسى تالقىلاندى.
شاراعا رەسپۋبليكالىق اباي جۋرنالىنىڭ باس رەداكتورى مۇراتبەك وسپانوۆ جانە جاس اقىندار قاتىستى. «مەنى جاستاردىڭ شىعارماشىلىققا, ولەڭگە دەگەن قابىلەتى قۋانتادى قولدان كەلسە جاستار جىلى اياسىندا تاعى ءبىر جۋرنالدىڭ ءبولىمىن جاستارعا ارناۋعا تىرىسامىز»,- دەدى اباي جۋرنالىنىڭ باس رەداكتورى مۇراتبەك وسپانوۆ.
دۋمان كەنجەعازيننىڭ ايتۋىنشا, سەمەيدە جاستار جىلىنا وراي تاعى دا باسقا يگىلىكتى شارالار مولىنان ۇيىمداستىرىلۋدا. ماسەلەن, سەمەي قالاسى ىشكى ساياسات ءبولىمى «اۋىل جاستارىنىڭ ينتەللەكتۋالدى جانە شىعارماشىلىق الەۋەتىن دامىتۋعا باعىتتالعان» الەۋمەتتىك قىزمەتى اياسىندا جاستار رەسۋرستىق ورتالىعىنىڭ قولداۋىمەن ءشۇلبى كەنتىنىڭ جاستارىنا ارنالعان وقىتۋ سەمينار-ترەنينگىن وتكىزدى. ترەنينگ اياسىندا اۋىل جاستارىنىڭ كوشباسشىلىق قابىلەتىن ارتتىرۋعا باعىتتالعان ارنايى تاسىلدەر قولدانىلىپ, قىزىقتى ويىندار ويناتىلدى. شارا سوڭىندا ءشۇلبى كەنتىنىڭ اكىمى پ. ورالباەۆانىڭ قاتىسۋىمەن جاستار ءىسى جونىندەگى كەڭەس وتىرىسى ءوتتى. كۇن ءتارتىبى بويىنشا بىرقاتار ماسەلەلەر قارالىپ, جاستاردىڭ ۇسىنىستارى تىڭدالدى. كەڭەس قورىتىندىسى بويىنشا ءشۇلبى كەنتىنىڭ جاستار ءىسى جونىندەگى كەڭەستىڭ جاڭا قۇرامى بەكىتىلدى.
