اۆتوكولىك ونەركاسىبىنىڭ 2019 جىلدىڭ I جارتىجىلدىعىنداعى ناتيجەلەرى: قازاقستاندا 144,8 ملرد تەڭگە سوماعا 20,6 مىڭ اۆتوكولىك شىعىرىلدى: ونىڭ ىشىندە اۆتوكولىك قۇرالدارىنىڭ ءوندىرىسى: +40,4%, قۇراستىرىلعان كولىكتەردى ساتۋ: +39,5%, قازاۆتووندىرىستىڭ ىشكى نارىقتاعى ۇلەسى 47,2% -تەن 55,9%-كە دەيىن ءوستى. قازاقستاندىقتاردىڭ وتاندىق اۆتوكولىك وندىرىسىنە جۇمساعان قارجىسى: 118,6 ملرد تەڭگە (+66,6%). قازاقستاندا قۇراستىرىلعان اۆتوكولىكتەردىڭ TOP-5 برەندى: Lada, Hyundai, KIA, Skoda, Chevrolet. ال TOP-5 ۇلگىلەرى: Lada Granta, Hyundai Tucson, Lada 4x4, Lada Vesta, Hyundai Accent.
ەسەپتى كەزەڭنىڭ قورىتىندىسى بويىنشا قازاقستان اۋماعىندا جالپى قۇنى 144,8 ملرد تەڭگە بولاتىن 20 623 اۆتوكولىك قۇرالى (جەڭىل, جۇك, اۆتوبۋس تەحنيكاسى, ارنايى ماشينالار مەن تىركەمەلەردى قوسا العاندا) ءوندىرىلدى. تابيعي ماندەگى شىعارىلىم كولەمى وتكەن جىلعى كورسەتكىشتەن 40,4% - عا اسىپ ءتۇستى.
2019 جىلدىڭ 6 ايىنىڭ قورىتىندىسى بويىنشا اۆتوبۋس تەحنيكاسىن شىعارۋ (674 بىرلىك) 18 753 بىرلىككە جەتىپ, جەڭىل اۆتوموبيلدەر ءوندىرىسى 36,6% - عا ءوستى. جۇك اۆتوموبيلدەرى (843 بىرلىك) مەن تىركەمەلەر (325 بىرلىك) ءوندىرىسى تيىسىنشە 67,9% - عا جانە 41,3% - عا ءوستى. مامانداندىرىلعان اۆتوتەحنيكانى شىعارۋ 70 بىرلىكتەن 28 بىرلىككە دەيىن تومەندەدى.
ەلىمىزدە قۇراستىرىلعان اۆتوموبيلدەر سەگمەنتىندە «ازيا اۆتو» اق وق بويى وزىق تۇر. كومپانيا 10 025 اۆتوموبيل ساتقان, بۇل وتاندىق تەحنيكانى ساتۋ جيىنتىعىنىڭ 56% قۇرايدى. «سارىارقااۆتوپروم» جشس 7 091 بىرلىك (سەگمەنتتەگى ۇلەس – 39,6%) اۆتوموبيل ساتقان. وتاندىق اۆتووندىرۋشىلەر ونىمدەرىنىڭ ساتىلىمى بويىنشا رەيتينگىندە «سەماز» جشس (328 بىرلىك; 1,8%), «كاماز-ينجينيرينگ» اق (271 بىرلىك; 1,5%), «Hyundai Trans Auto» جشس (103 بىرلىك; 0,6%) جانە «Daewoo Bus Kazakhstan» جشس (95 بىرلىك; 0,5%) ورنالاسقان.
2019 جىلدىڭ ءى جارتىجىلدىعىنىڭ قورىتىندىسى بويىنشا قازاقستاندا قۇراستىرىلعان جەڭىل اۆتوكولىكتەردىڭ ەڭ سۇرانىسقا يە بەستىگى Lada (7 220 بىرلىك), Hyundai (5 956 بىرلىك), KIA (1 744 بىرلىك), Skoda (475 بىرلىك) جانە Chevrolet (439 بىرلىك) بولدى.
وتاندىق كاسىپورىندار ۇسىناتىن ماركالار تىزىمىنە Ravon (369 بىرلىك), JAC (267 بىرلىك), UAZ (206 بىرلىك) جانە Peugeot (23 بىرلىك) كىردى.
جەرگىلىكتى ءوندىرىستىڭ جەڭىل اۆتوموبيلدەرىن ساتۋ رەيتينگىسىن Lada Granta (2 518 بىرلىك), Hyundai Tucson (2 073 بىرلىك), Lada 4x4 (1 630 بىرلىك), Lada Vesta (1 559 بىرلىك) جانە Hyundai Accent (1 284 بىرلىك) باستاپ تۇر.
سونىمەن قاتار, قازاقستاندىقتار اراسىندا تانىمال مودەلدەردىڭ ءتىزىمىن Hyundai Elantra (1 129 بىرلىك), Lada Largus (1 086 بىرلىك), Hyundai Creta (997 بىرلىك), KIA Rio (699 بىرلىك) جانە Lada XRAY (424 بىرلىك) تولىقتىردى.
2019 جىلدىڭ قاڭتار-ماۋسىم ايلارىندا مەملەكەتتىك باعدارلامانىڭ قاتىسۋشىلارى 1 700 اۆتوموبيل ساتىپ الدى. ولاردىڭ ۇلەسىنە جەرگىلىكتى ءوندىرىس اۆتوموبيلدەرى ساتىلىمىنىڭ 9,5% - ى كەلدى.
2019 جىلدىڭ ءى جارتىجىلدىعىنىڭ قورىتىندىسى بويىنشا قازاقستاندىقتار 5 816 بىرلىك تەحنيكانى ۋتيليزاتسياعا وتكىزگەن. قشكق ۋتيليزاتسيالاۋ باعدارلاماسىنىڭ ەكىنشى كەزەڭى اياسىندا جاڭا كولىك قۇرالدارىن ساتىپ الۋعا 8 333 جەڭىلدىكتى سەرتيفيكات بەرىلدى.
2019 جىلدىڭ 6 ايىنىڭ قورىتىندىسى بويىنشا سالا كاسىپورىندارىنىڭ رەسپۋبليكانىڭ ءجىو قۇرىلىمىنا قوسقان ۇلەسى 144,8 ملرد تەڭگەنى قۇرادى. بۇل وتكەن جىلعى كورسەتكىشپەن سالىستىرعاندا 47,6% ارتىق.
2019 جىلدىڭ ءى جارتىجىلدىعىنىڭ قورىتىندىسى بويىنشا اۆتوموبيل سالاسى كاسىپورىندارىنىڭ (اۆتوموبيل تەحنيكاسىن بولشەك ساتىلىمىجانە قىزمەت كورسەتۋدى قوسا العاندا) سالىق تۇسىمدەرىنىڭ جيىنتىق كولەمى 32,4 ملرد تەڭگەگە جەتتى, بۇل وتكەن جىلعى كورسەتكىشتەن 25,8% - عا ارتىق.
«قازاۆتووندىرىس» قازاقستاننىڭ اۆتوموبيل سالاسى كاسىپورىندارى وداعىنىڭ ستراتەگيالىق جوسپارلاۋ جونىندەگى ديرەكتورى ارتۋر ميسكاريان وتكەن جارتى جىلدىق سالانىڭ ماڭىزدى جەتىستىكتەرىمەن ەرەكشەلەندى: وندىرىستىك كورسەتكىشتەر 20 مىڭعا جەتتى. بۇل اعىمداعى ديناميكانى ساقتاي وتىرىپ, جىل سوڭىنا قاراي اۆتووندىرۋشىلەر داعدارىسقا دەيىنگى, 2014 جىلدىڭ جوسپارىنا جاقىندايدى دەگەندى بىلدىرەدى. مودەلدىك قاتاردىڭ بەلسەندى كەڭەيۋىنىڭ, تۇراقتى ماكروەكونوميكالىق فوننىڭ جانە مەملەكەتتىڭ قولداۋىنىڭ ارقاسىندا جارتى جىلدا ءوندىرىس كولەمى 40,4% - عا ءوستى.
نارىقتى قالپىنا كەلتىرۋدىڭ نەگىزى – وتاندىق اۆتوموبيلدەرگە سۇرانىستىڭ ءوسۋى. جارتى جىلدىڭ قورىتىندىسى بويىنشا وتاندىق وندىرۋشىلەر ساتىلىمنىڭ جارتىسىن ساقتاپ قالدى – قازاۆتووندىرىستىڭ ۇلەسى ساتىلىمنىڭ 55,9% - ىن قۇرادى. وسى رەتتە, جەڭىلدەتىلگەن نەسيە بەرۋ باعدارلاماسىن پايدالانا وتىرىپ, التى اي ىشىندە 1 700 اۆتوموبيل ساتىپ الىندى, بۇل وتاندىق وندىرۋشىلەر ءونىمىنىڭ 9,5% - ىن قۇرايدى».
«قازاۆتووندىرىس» قازاقستاننىڭ اۆتوموبيل سالاسى كاسىپورىندارىنىڭ وداعى» زتب – قازاقستاننىڭ اۆتوموبيل يندۋسترياسىنىڭ ءىرى قاتىسۋشىلارىن بىرىكتىرەتىن سالالىق وداق. 2015 جىلى قۇرىلعان. وداققا قاتىسۋشى كاسىپورىنداردىڭ ۇلەسىنە قازاقستاندىق اۆتوپروم ونىمدەرىنىڭ 60% - دان استامى جانە رەسپۋبليكانىڭ اۆتوموبيل سالاسىندا جۇمىس ىستەيتىندەردىڭ 40% - دان استامى تيەسىلى.
وداق قازاقستان رەسپۋبليكاسىنىڭ التى مينيسترلىگى جانىنداعى كاسىپكەرلىك ماسەلەلەرى جونىندەگى ساراپتامالىق كەڭەستەردە اككرەديتتەلگەن: ينۆەستيتسيالار جانە دامۋ مينيسترلىگى (يدم), ىشكى ىستەر مينيسترلىگى ء(ىىم), ۇلتتىق ەكونوميكا مينيسترلىگى (ۇەم), قارجى مينيسترلىگى, اقپارات جانە كوممۋنيكاتسيالار مينيسترلىگى جانە ەنەرگەتيكا مينيسترلىگى (ەم).
وداق «اتامەكەن» ۇلتتىق كاسىپكەرلەر پالاتاسىنىڭ جانە «قازاقستان ماشينا جاساۋشىلار وداعى» زتب مۇشەسى, سونداي-اق «رەسەي اۆتووندىرۋشىلەر بىرلەستىگى» ۇپ سەرىكتەسى بولىپ تابىلادى.
«كازاۆتووندىرىس» وداعى قازاقستاننىڭ اۆتوموبيل ونەركاسىبىن اۆتووندىرۋشىلەردىڭ حالىقارالىق ۇيىمىندا – OICA (1919 جىلى قۇرىلعان, شتاب-پاتەرى – پاريج قالاسى) تولىق قۇقىقتى تۇردە وكىل بولىپ تابىلادى. OICA 39 ءىرى ءاۆتووندىرۋشى ەلدەردىڭ ۇلتتىق وداقتارىن بىرىكتىرەدى, بۇۇ-دا تىركەلگەن جالعىز سالالىق بىرلەستىك بولىپ تابىلادى جانە ەۋروپالىق ەكونوميكالىق كوميسسيانىڭ (بۇۇ ەەك) اۆتوكولىك قۇرالدارىنىڭ قاۋىپسىزدىك ستاندارتتارىن ازىرلەۋگە تىكەلەي قاتىسادى.
