كاسىبىن شيراتقان ارالدىق كاسىپكەرلەردىڭ باسىم بولىگى «بيزنەستىڭ جول كارتاسى», «اگروبيزنەس», «بيزنەس باستاۋ» باعدارلامالارى ارقىلى بيزنەسىن دامىتتى. ماسەلەن, اۋداندا سوڭعى كەزدە 3 بىردەي كاسىپكەرلىك نىسان اۋىل تۇرعىندارىنا قىزمەت ەتۋدە. جەكە كاسىپكەر گۇلميرا ناۋرىزوۆا مەملەكەتتىك باعدارلاما شەڭبەرىندە 14 ميلليون تەڭگە نەسيە الىپ, فيتنەس ورتالىق اشقان. «ايبار» دەپ اتالاتىن جاڭا فيتنەس ورتالىقتا كۇنىنە 30-40 ادام سپورتپەن اينالىسا الادى.
مۇنان وزگە, ارالدا «نۇر» قوناق ءۇيى, «اي-جۇلدىز» جول بويى قىزمەت كورسەتۋ سەرۆيستەرى جەرگىلىكتى تۇرعىندارعا قىزمەت كورسەتۋدە. «بيزنەستىڭ جول كارتاسى – 2020» باعدارلاماسى اياسىندا نەسيە العان قوس كاسىپكەر ءوز بيزنەسىن جانداندىرىپ وتىر. «اي-جۇلدىز» قىزمەت كورسەتۋ كەشەنى اشىلعالى بەرى كاسىپكەر 50 ادامعا جۇمىس كوزىن تاۋىپ بەرگەن.
ەندى جىل سوڭىنا دەيىن قوسىمشا 13 نىسان اشىلادى. بۇل ءوز كەزەگىندە قوسىمشا 121 ادامنىڭ جۇمىس تابۋىنا مۇمكىندىك بەرمەك.
