«مىڭبۇلاق» شاعىن اۋدانىنىڭ تۇرعىنى لاۋرا ازاتبەكوۆا ءۇي ماڭىنداعى دۇكەننەن ادەتتەگىدەي نان الىپ كەلەدى. تۇسكى اس ىشۋگە داستارقان باسىنا وتىرعان ول تاندىر ناندى تۋراعان كەزدە اراسىنان شەگە شىعادى. مۇنداي جاعداي بولادى دەپ ويلاماعان تۇرعىن بۇل كورىنىستى دەرەۋ بەينەكامەراعا تۇسىرەدى. «بالالار ۇيدە بولماي قالدى. ءايتپەسە, ولار ناندى ءتىستەپ جەگەندە نە بولاتىن ەدى؟! ەندى سانەپيدقاداعالاۋ مەكەمەسى مۇنداي وقيعالاردى بولدىرماۋ ءۇشىن ءبارىن قاراپ, تەكسەرىپ شىقسىن», دەيدى ول. شىنىندا دا اس اتاسىنىڭ ءىشىنەن شەگەنىڭ شىعۋى جاعا ۇستاتارلىق جاعداي. ەلىمىزدە مۇنداي ورەسكەل جاعداي ءبىر بۇگىن ەمەس, بۇرىن دا بولعان.
تاراز قالاسىنداعى بۇرىنعى كوك بازار ماڭىنداعى ەسكى سارايعا ورنالاسقان ناۋبايحانادا سانيتارلىق تالاپتار مۇلدە ساقتالماعان. سىرتى كىر ىدىسقا سۋ قايناتىپ, قامىردى جەردە جاتقان كىرلەنگە يلەيدى ەكەن. ال اشىعان قامىردىڭ ۇستىنە ءۇي جاعدايىندا جامىلاتىن كىر كورپەنى جاۋىپ قويعان. تاندىر ناننىڭ وسىنداي جاعدايدا دايىندالعانىنا قاراماستان, تاندىر يەسىنىڭ بۇل كاسىبى ورگە دومالاپ تۇر. جەرگىلىكتى حالىق كوبىنە تاندىر نانعا اۋەس.
دەي تۇرعانمەن, جەرگىلىكتى ءتيىستى مەكەمەلەر كاسىپكەرلەرگە تىكەلەي تەكسەرىس جۇمىستارىن جۇرگىزۋگە ءدارمەنسىز. نەگە دەسەڭىز, كاسىپكەرلىكتى قورعايتىن زاڭ بار. وسىنى پايدالانعان كەيبىر كاسىپكەرلەر ەشقانداي جاۋاپكەرشىلىكسىز جۇمىس ىستەپ وتىر.
جامبىل وبلىسى
