بىراق, وبلىس ورتالىعى, ەكىباستۇز بەن اقسۋ قالالىق اكىمدىكتەرى قىسقا قازىردەن دايىن بولۋ كەرەكتىگىنە اسىعار ەمەس.
قازىر بەكىتىلگەن كەستەگە سايكەس جىلۋ جۇيەلەرىندە كۇردەلى جوندەۋ جۇمىستارى جۇرگىزىلۋدە.
ال, «پاۆلودارەنەرگو» اق باس ديرەكتورى ولەگ پەرفيلوۆتىڭ ايتۋىنشا, بارلىق جوندەۋ جۇمىستارى «KEGOC» اق-مەن كەلىسىلىپ, كەستەگە سايكەس جۇزەگە اسىرىلۋدا.
وبلىس ورتالىعىنداعى №2 جىلۋ ورتالىعىندا دا 2-ءشى تۋربيناعا, №2 قازاندىققا زاماناۋي تەحنيكالىق جوندەۋ جاسالۋدا.
№ 3 قازاندىقتا, №3- جىلۋ ورتالىعىنداعى جوندەۋ جۇمىستارى بەلگىلەنگەن مەرزىم اياسىندا اياقتالادى.
بىراق, باس ديرەكتور تۇرعىن ءۇي قورىن جىلىتۋ ماۋسىمىنا دايىنداۋ ماسەلەسىنە قاتىسۋشىلاردىڭ نازارىن اۋداردى. ونىڭ مالىمەتتەرىنە سايكەس, ەكىباستۇز قالاسىندا ۇيلەر ءالى دايىندىق تولقۇجاتىن الماعان.
سونداي-اق ولەگ پەرفيلوۆ «سارىارقا» شاعىن اۋدانىندا تراسسانى قايتا سالۋدى جۇرگىزەتىن مەردىگەردىڭ ءوز مىندەتتەرىن ورىنداماي كەتكەنىن ايتتى.
ايتىلعان ەسكەرتۋلەردى مەردىگەر ءالى كۇنگە دەيىن ورىنداماعان, بۇل قىس كەزىندە كەلەڭسىزدىك جاعدايلارعا اكەلۋى ابدەن مۇمكىن.
وبلىس اكىمىنىڭ ءبىرىنشى ورىنباسارى ۇلان جازىلبەك تە جىلىتۋ ماۋسىمىنا اۋدان, قالا اكىمدەرى تاراپىنان باقىلاۋدىڭ جوقتىعىن, قىسكا دايىندىق مەرزىمى سولتۇستىك ءوڭىر ءۇشىن تىم از قالعانىن ەسكەرتۋدە.
