بيزنەس باستاعىسى كەلەتىن ايەلدەرگە بارىنشا قولداۋ كورسەتۋ ماقساتىندا, «ىسكەر انا» باعدارلاماسىن ءبىر اي ىشىندە ىسكە قوسۋ بويىنشا ەرلان اۋكەنوۆكە تاپسىرما بەرگەن قالا اكىمى قالاداعى كوپ بالالى جانە كومەككە مۇقتاج وتباسىلارىن قولداۋ ماقساتىندا قۇرىلعان «باقىتتى وتباسى» ورتالىعىنىڭ جۇمىسىمەن تانىستى. انالاردى بالالارعا ارنالعان ۇيىرمە ماسەلەسى, جولدىڭ الىستىعىنا قاتىستى ماسەلەلەر مازالاعان.
ورتالىقتىڭ مالىمەتتەرى بويىنشا, مۇندا 3 مىڭنان استام ايەل ءارتۇرلى ماسەلە بويىنشا جۇگىنگەن. ال كوپ بالالى 15 انا وسى جەردەن قىسقامەرزىمدى كۋرس وقىپ, جۇمىسقا ورنالاسقان. انالاردىڭ ۇسىنىسىن تىڭداعان شاھار باسشىسى ءار ماسەلە بويىنشا ءتيىستى تاپسىرما بەردى. قازىر الماتىدا 470 كوپبالالى انا قىسقا مەرزىمدى كۋرستاردا وقىتىلۋدا. باقىتجان ساعىنتاەۆتىڭ ايتۋىنشا, تەگىن وقىپ, جۇمىسقا ورنالاسقان جەتكىلىكسىز. كاسىپ اشىپ ءوز ءىسىن اشقىسى كەلەتىن انالاردى بارىنشا قولداۋ قاجەت.
