ايماقتار • 18 شىلدە، 2019

«Crown باتىس» «تۇلپارعا» اينالادى

91 رەتكورسەتىلدى

باتىس قازاقستان وبلىسى بايتەرەك اۋدانىندا كوپ جىلدان بەرى قاڭتارىلىپ تۇرعان «Crown باتىس» بورداقىلاۋ كەشەنىنە جاڭا ينۆەستور كەلدى. 18 شىلدە كۇنى ءوڭىر باسشىسى عالي ەسقاليەۆ پەن قاراعاندىلىق «تۇلپار» جشس باس ديرەكتورى رومان گۋسساموۆ كەزدەسىپ، كاسىپورىن جۇمىسىن جانداندىرۋعا بايلانىستى ءتۇرلى ماسەلەلەردى تالقىلادى.

رومان گۋسساموۆتىڭ ايتۋىنشا، بورداقىلاۋ كەشەنىن قالپىنا كەلتىرۋ جۇمىستارى بيىلعى تامىز ايىنان باستالماق. ينۆەستور ءبىراز جىل تۇرىپ قالعان كەشەن جۇمىسىن جولعا قويۋ ءۇشىن 4،2 ميلليارد تەڭگە قارجى قۇيىلاتىنىن مالىمدەدى.

- ءبىز بۇل قارجىنى جىلدىڭ سوڭىنا دەيىن يگەرەمىز. ياعني، ءبىر اي ىشىندە بورداقىلاۋ الاڭدارىنىڭ ايماعى قالپىنا كەلتىرىلەدى، ال قىركۇيەكتەن باستاپ ەت كومبيناتىن ىسكە قوسامىز. بورداقىعا بايلاناتىن مالدى ساتىپ الۋ دا سول كەزدەن باستالادى. باستاپقىدا 2 مىڭ باس مال سەمىرتۋگە بايلانسا، ونىڭ سانى جىل سوڭىنا دەيىن 7 مىڭ باسقا جەتەدى. ەت كومبيناتىندا مال ەتىن تۇتاسىمەن دە، بولشەكتەپ تە دايىندايمىز. بۇرىنعى «Crown باتىس» ءونىمىن نەگىزىنەن شەتەلگە ساتسا، ءبىزدىڭ ءونىم قاراپايىم حالىققا، ورتا تاپ وكىلدەرىنە ەشقانداي الىپساتار دەلدالسىز ساتىلادى، - دەدى رومان گۋسساموۆ. ؛

بەلگىلى بولعانداي، «تۇلپار» جشس ورتالىق قازاقستان وڭىرىندە عانا ەمەس، نۇر-سۇلتان جانە الماتى قالالارىندا، كوكشەتاۋ مەن قوستانايدا دا ەت ونىمدەرىن ساتۋمەن تانىمال بولعان كاسىپورىن ەكەن. ەندى ورال قالاسىندا دا «تۇلپاردىڭ» تەك ءوز تاۋارلارى ساتىلاتىن فيرمالىق دۇكەنى اشىلماق.

جاڭارعان كەشەن بورداقىعا قويىلاتىن مالدى باتىس قازاقستان وبلىسى اۋماعىنان ساتىپ الادى. سونداي-اق كاسىپورىن تولىق قۋاتىنا كىرىسكەندە مۇندا 160 ادام تۇراقتى جۇمىس ىستەيدى.

ايتا كەتەيىك، ءبىر مەزگىلدە 8،5 مىڭ باس سيىردى بورداقىلاي الاتىن قۋاتى بار «Crown باتىس» كەشەنى 2010 جىلى اشىلعان بولاتىن. ارادا ءۇش جىل وتكەندە كاسىپورىن باسشىسى «الاياقتىق جاسادى» دەگەن ايىپپەن قىلمىستىق جاۋاپكەرشىلىككە تارتىلىپ، سوتتالىپ كەتتى. سوت-تەرگەۋ ورگاندارىنىڭ پىكىرىنشە، كاسىپورىن باسشىسى جالعان قۇجات جاساپ، مەملەكەتتىڭ 13 ميلليون 828 مىڭ تەڭگە كولەمىندە سۋبسيديا قارجىسىن نەگىزسىز العان. سوت ول قارجىنى دا ءوندىرىپ الۋعا شەشىم شىعارعان.


سۋرەتتى تۇسىرگەن تەمىربولات توقمامبەتوۆ


باتىس قازاقستان

باننەر
سوڭعى جاڭالىقتار

يمپورتتان نە ۇتتىق؟

ەكونوميكا • كەشە

«ەكى جۇلدىز» بايقاۋى الماتىدا باستالدى

رۋحانيات • 20 قىركۇيەك، 2019

تارازدا جەدەل بايلانىس ورتالىعى اشىلدى

ايماقتار • 20 قىركۇيەك، 2019

ليساكوۆتىڭ «بايتەرەگى»

ايماقتار • 20 قىركۇيەك، 2019

گوبەلەن – تەكتى ونەردىڭ تۋىندىسى

رۋحانيات • 20 قىركۇيەك، 2019

«مادەني قابات» جويىلعان جوق

قوعام • 20 قىركۇيەك، 2019

شاحماردان تەربەلگەن تالبەسىك

رۋحانيات • 20 قىركۇيەك، 2019

«جوعالمايسىڭ، جوقتاۋشى حالقىڭ باردا...»

رۋحانيات • 20 قىركۇيەك، 2019

ايماقتىڭ ەكسپورتتىق مۇمكىندىگى ارتۋدا

ايماقتار • 20 قىركۇيەك، 2019

كوك ايدىندا كورشىلەر جاتتىعۋدا

ايماقتار • 20 قىركۇيەك، 2019

ۇقساس جاڭالىقتار