كىشكەنتاي بۇلدىرشىندەردى ماڭعىشلاق ۆوكزالىنان وبلىستىق ءبىلىم باسقارماسىنىڭ وكىلدەرى كۇتىپ الىپ, ولاردى اقتاۋ قالاسىنان 43 شاقىرىمداعى تەڭىز جاعالاۋىندا ورنالاسقان «الاۋ» جازعى ساۋىقتىرۋ لاگەرىنە ورنالاستىردى. جازعى ساۋىقتىرۋ بارىسىندا بالالارعا ەكسكۋرسيالار, شىعارماشىلىق جانە تانىمدىق شارالار ۇيىمداستىرىلادى. بالالار اقتاۋدا ەكى اپتا دەمالادى.
- ءبىز كىشكەنتاي قوناقتارىمىزعا جازعى ساۋىقتىرۋ لاگەردە جاقسىلاپ دەمالۋىن تىلەيمىز. بالالار جولدا جاقسى كەلگەندەرىن ايتتى. ءبىرى ءبىرىنشى رەت كەلسە, ەندى ءبىرى كاسپي تەڭىزگە كەلىپ شومىلعان ەكەن. ارالارىندا ءبىر ۇيدەن 2-3 بالا بار. ولارعا بارلىق جاعداي جاساپ, ولارعا قاجەتتى زاتتارمەن قامتىلعانىن قاداعالايمىز. تامىز ايىندا ارىس قالاسىنان 50 بالا «بالداۋرەن» لاگەرىنە دەمالۋعا كەلەدى, دەدى وبلىستىق ءبىلىم باسقارماسى باسشىسىنىڭ ورىنباسارى ايجاقسى تۇرجانوۆا.
