ءداستۇرلى ءان فەستيۆالىنىڭ بيىلعى بايقاۋىندا ەسترادا جانرى بويىنشا 18, رومانس جانرى بويىنشا 11 قاتىسۋشى باق سىناعان بولاتىن.
ەكى كۇنگە سوزىلعان ءان سايىسىندا ەسترادا جانرى بويىنشا باس جۇلدەنى ورالدىق ايبەك داۋلەتقاليەۆ, رومانس جانرى بويىنشا باس جۇلدەنى تارازدىق ءانشى دىنمۇحامەد جەڭىپ الدى. ولاردىڭ ارقايسىسىنا 650 مىڭ تەڭگە جۇلدە تابىس ەتىلدى.
ەسترادالىق ۆوكال بويىنشا ءبىرىنشى ورىن ورالدىق تاراس جاۋىمباەۆقا, ەكىنشى جۇلدە نۇر-سۇلتان قالاسىنان كەلگەن ايدىن جۇماباەۆقا, ءۇشىنشى ورىن قاراعاندىلىق سامات شونوۆ پەن نۇرسۇلتاندىق مەيىرجان سامىلتىروۆقا بۇيىردى. ال وزبەكستاندىق راحمەت ورىنعاليەۆ, اتىراۋلىق ايداناق ساعىندىق, اقتوبەلىك ەرنار دۇيسەەۆ ديپلومانت اتاندى.
ەسكەندىر حاسانعاليەۆتىڭ ءوزى توراعالىق ەتكەن قازىلار القاسى الماتى قالاسىنان كەلگەن قوس ءانشى ەرجان جاۋىنباەۆ پەن جانداربەك ەركىنباەۆقا رومانس جانرى بويىنشا بايقاۋدىڭ ءى جانە ءىى ورىن يەگەرلەرى دەگەن اتاق بەردى. وسكەمەندىك داۋرەن سەيىتجانوۆ ءىىى ورىندى قاناعات تۇتسا, قوستانايلىق گۇلباقىت جاڭبىرباەۆا مەن تارازدىق ساۋلە جۋاتبەكوۆا ديپلومانت اتاندى.
حاديشا بوكەەۆا اتىنداعى باتىس قازاقستان وبلىستىق قازاق دراما تەاترىندا وتكەن ماراپاتتاۋ ءراسىمى گالا كونتسەرتپەن اياقتالدى.
