اكىمنىڭ ايتۋىنشا, جەر-ءوندىرىستىڭ باستى فاكتورى. وسىعان بايلانىستى جەر رەسۋرستارىن ءتيىمدى پايدالانۋدى قامتاماسىز ەتۋ ماقساتىندا قالانىڭ بارلىق جەرلەرىنە تەكسەرۋ جۇرگىزۋ, ناقتى جاعدايدى بەلگىلەۋ جانە انىقتالعان پروبلەمالىق ماسەلەلەردى شەشۋ جونىندە ناقتى ۇسىنىستار ەنگىزۋ تاپسىرىلدى.
«جەردى تەكسەرۋ اياسىندا, كەمشىلىكتەر انىقتالۋىنا قاراي, بارلىق پايدالانىلمايتىن جەر ۋچاسكەلەرى بويىنشا, سونىڭ ىشىندە ۇزاق قۇرىلىس وبەكتىلەرى بار ۋچاسكەلەر بويىنشا, مەملەكەتتىك جەرلەردى ءوزىن - ءوزى ۇستاۋ جانە زاڭسىز قۇرىلىس فاكتىلەرى بويىنشا, سونداي-اق ماقساتسىز پايدالانىلمايتىن ۋچاسكەلەر بويىنشا قاجەتتى شارالار قابىلداۋ قاجەت», - دەپ اتاپ ءوتتى اكىم.
سونداي-اق, ەلوردا باسشىسى قۇنىنىڭ 90% - دان استامىن مەملەكەتتىڭ مىندەتتەمەلەرى قۇرايتىن كەيبىر مەملەكەتتىك-جەكە مەنشىك ارىپتەستىك جوبالارىنا قاتىستى پارمەندى جۇمىس جەتكىلىكسىز ەكەنىن اتاپ ءوتتى. ونىڭ ايتۋىنشا, ءمجا يدەياسىنىڭ ءوزى شەكتەلگەن.
وسىعان بايلانىستى بارلىق ءمجا جوبالارىن بيۋدجەت جانە الەۋمەتتىك-ەكونوميكالىق تيىمدىلىك ءۇشىن ولاردىڭ قارجىلىق ورىندىلىعى تۇرعىسىنان تالداۋ قاجەت. وسىلايشا, 12 جوبا بويىنشا بۇگىندە اكىمدىك 9 كەلىسىم-شارت جاساستى, ونىڭ ىشىندە 9 جوبا بويىنشا 37,5 ملرد.تەڭگە سوماسىنا مىندەتتەمەلەر قابىلداندى. سونداي-اق, كەزدەسۋدە ينۆەستيتسيا تارتۋ ماسەلەسى تالقىلاندى.
اكىم ينۆەستورلاردى تارتۋ بويىنشا جۇمىستى جانداندىرۋ, سونداي-اق ىسكە اسىرىلىپ جاتقان ءىرى ينۆەستيتسيالىق جوبالاردى تابىستى اياقتاۋ ءۇشىن جاعداي جاساۋ قاجەتتىگىن ەرەكشە اتاپ ءوتتى. ونىڭ ايتۋىنشا, ءاربىر ينۆەستورمەن جەكە جۇمىس ىستەۋ كەرەك. وسىعان بايلانىستى ماقۇلدانعان ينۆەستيتسيالىق جوبالار بويىنشا شەتەلدىك ينۆەستورلار ءۇشىن جەر جانە قاجەتتى ينفراقۇرىلىم بويىنشا ماسەلەلەردى باقىلاۋعا الۋ, سونداي-اق ءابۋ دابي پلازا جوباسى بويىنشا ينفراقۇرىلىمنىڭ پروبلەمالىق ماسەلەلەرىن شەشۋ تاپسىرىلدى.
