كەزدەسۋ باستالىسىمەن اكىم قاسىم-جومارت توقاەۆ ەلىمىزدىڭ باستى مىندەتى حالىقتىڭ ءال-اۋقاتىن ارتتىرۋ ەكەنىن اتاپ ءوتتى, وسىعان بايلانىستى بارلىق مەملەكەتتىك قۇرىلىمدار ءوز جۇمىسىن ازاماتتاردىڭ ءومىر ءسۇرۋ ساپاسىن جاقسارتۋ ءۇشىن تۇزەتۋى ءتيىس.
«اعىمداعى جىلى حالىقتىڭ, ونىڭ ىشىندە الەۋمەتتىك جاعىنان وسال توپتاردىڭ كىرىستەرىن ارتتىرۋ بويىنشا ناقتى قادامدار جاسالدى. وسى جىلدىڭ 1 ماۋسىمىنان باستاپ بيۋدجەت سالاسىنىڭ جەكەلەگەن قىزمەتكەرلەرىنىڭ جالاقىسى 30% - عا دەيىن ءوستى. اتاۋلى الەۋمەتتىك كومەك كورسەتۋ ولشەمى وزگەرتىلدى. بۇل كومەكتىڭ مولشەرىن ورتا ەسەپپەن ۇلعايتۋعا جانە ااك الۋشىلار شەڭبەرىن 3 ەسەگە جۋىق كەڭەيتۋگە مۇمكىندىك بەردى. سونداي - اق, پرەزيدەنت تۇرعىنداردى بەلسەندى جۇمىسقا تارتۋ بويىنشا جۇمىستى وڭتايلاندىرۋدى تاپسىردى», - دەپ اتاپ ءوتتى التاي كولگىنوۆ.
سونداي-اق, ەلوردا باسشىسى قالادا كاسىپكەرلىك, دەنساۋلىق ساقتاۋ, ءبىلىم بەرۋ, يندۋستريالىق-يننوۆاتسيالىق دامۋ, تۇرعىن ءۇي ينفراقۇرىلىمى جانە ت. ب. سالالارىندا جۇرگىزىلىپ جاتقان جۇمىستار تۋرالى ايتتى. كاسىپكەرلىكتى دامىتۋ تۋرالى ايتا كەلە, اكىم وڭىرلەردە بيزنەس ءۇشىن قولايلى جاعداي جاساۋ باسىم مىندەت بولىپ تابىلاتىنىن ەسكە سالدى. بۇگىندە ەلوردالىق يندۋستريالىق پاركتىڭ اۋماعى 95% - عا تولعان. جاڭا وندىرىستەر قۇرۋ ءۇشىن ەكىنشى يندۋستريالىق پارك اشۋ جوسپارلانۋدا. بۇل رەتتە جاڭا جوبالار ەكسپورتقا باعدارلانعان, قوسىلعان قۇنى جوعارى بولۋى ءتيىس.
«بۇرىن ەنگىزىلگەن جوبالاردىڭ جۇكتەلۋى بويىنشا ءالى دە سۇراقتار بار, ولاردىڭ كەيبىرى توقتاپ قالعان. يندۋستريالىق پاركتە 49 جوبانىڭ ىشىنەن 10 كاسىپورىن مەملەكەتتىك تاپسىرىس بويىنشا ولاردىڭ تۇسۋىنە قاراي جۇمىس ىستەيدى. 2017-2018 جىلدارى ەنگىزىلگەن 12 جوبا شامامەن 10% جۇكتەلدى. ءبىز بەلسەندى جۇمىس ىستەۋىمىز كەرەك قور بار», - دەدى التاي كولگىنوۆ.
وسىعان بايلانىستى يندۋستريالاندىرۋدىڭ ءاربىر جوباسى بويىنشا ەگجەي-تەگجەيلى تالداۋ جۇرگىزۋ جانە جوبالىق قۋاتقا شىعۋ جانە ءوندىرىستى قالپىنا كەلتىرۋ بويىنشا جول كارتاسىن ەنگىزۋ تاپسىرىلدى.
