ۇكىمەت • 17 شىلدە، 2019

اسقار مامين ماڭعىستاۋ وبلىسىنا جۇمىس ساپارىمەن باردى

127 رەتكورسەتىلدى

پرەمەر-مينيستر اسقار مامين جانە وزبەكستان رەسپۋبليكاسىنىڭ پرەمەر-ءمينيسترى ابدۋللا اريپوۆ «بەينەۋ – اقجىگىت - وزبەكستان شەكاراسى» باعىتىنداعى حالىقارالىق ماڭىزى بار اۆتوكولىك جولىنىڭ اشىلۋ راسىمىنە قاتىستى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

ۇكىمەت باسشىسى «بەينەۋ – اقجىگىت – وزبەكستان رەسپۋبليكاسىنىڭ شەكاراسى» حالىقارالىق اۆتوموبيل جولىندا قوزعالىستىڭ اشىلۋ راسىمىمەن قۇتتىقتاپ، بۇل ايتۋلى وقيعانىڭ ورتالىق ازيانىڭ كولىك ينفراقۇرىلىمىنىڭ دامۋىنا، ساۋدا-ساتتىق كولەمىنىڭ ارتۋىنا، ترانزيتتىك الەۋەتىن ىسكە اسىرۋعا سەرپىن بەرەتىنىن اتاپ ءوتتى.

«بۇل جوبا تۇڭعىش پرەزيدەنت – ەلباسى نۇرسۇلتان ءابىش ۇلى نازارباەۆتىڭ تىكەلەي تاپسىرماسىمەن ىسكە اسىرىلدى. بۇل جولدىڭ اشىلۋى تۇڭعىش پرەزيدەنت – ەلباسى ن. ءا. نازارباەۆتىڭ جانە وزبەكستان پرەزيدەنتى ش.م. ميرزيەەۆتىڭ ايقىنداعان ستراتەگيالىق ارىپتەستىكتى قارقىندى دامىتۋ سيمۆولى بولىپ تابىلادى»، دەدى پرەمەر-مينيستر.

سوڭعى جىلدارى قازاقستان مەن وزبەكستان اراسىنداعى ءوزارا قارىم-قاتىناستار ساپالىق تۇرعىدان جاڭا دەڭگەيگە شىقتى جانە تۇراقتى وڭ ديناميكاعا يە بولدى. جىل باسىنان بەرى قازاقستان مەن وزبەكستان اراسىنداعى تاۋار اينالىمى 20%-عا ءوسىپ، $1 ملرد-قا جۋىقتادى.     

ۇكىمەت باسشىسى «اشىلۋ راسىمىنە قازاقستان پرەزيدەنتى ق.ك. توقاەۆ قاتىسقان بۇل جوبانىڭ قازاقستاننىڭ وزبەكستانداعى جىلىندا باستاۋ العانىنىڭ تەرەڭ ءمانى بارى ەكەنىن» اتاپ ءوتتى.

«ءساۋىر ايىنداعى مەملەكەت باسشىسىنىڭ وزبەكستانعا مەملەكەتتىك ساپارى ەكىجاقتى ىنتىماقتاستىقتىڭ دامۋىنا قوسىمشا سەرپىن بەردى»، دەپ اتاپ ءوتتى اسقار مامين.

ۇكىمەت باسشىسىنىڭ ايتۋىنشا، سوڭعى جىلدارى قازاقستان مەن وزبەكستان اراسىنلداعى ءوزارا قارىم-قاتىناس ساپالىق تۇرعىدان جاڭا دەڭگەيگە شىقتى جانە وڭ ديناميكاعا يە بولدى. ونىڭ دالەلى ءوزارا ساۋدا كولەمىنىڭ جىل سايىنعى ءوسىمى بولىپ تابىلادى. وتكەن جىلى تاۋار اينالىمى $3 ملرد قۇرادى. بيىلعى جىلدىڭ باسىنان بەرى وڭ ءوسىم ديناميكاسى بايقالۋدا.  

وزبەكستان پرەمەر-ءمينيسترى ا. اريپوۆ باۋىرلاس قازاقستان مەن وزبەكستان ەلدەرى ءۇشىن بۇل وقيعانىڭ ستراتەگيالىق ماڭىزدىلىعىن اتاپ ءوتتى.

«نۇرلى جول» مەملەكەتتىك باعدارلاماسى اياسىندا بۇل جوبا تابىستى ىسكە اسىرۋ جىبەك جولىنىڭ ساۋدا اعىنىنا جانە بۇكىل ءبىزدىڭ ايماقتىڭ دامۋىنا جاڭا سەرپىن بەرەدى»، دەدى ا. اريپوۆ «بۇل اۆتوماگيسترالدىڭ، ەڭ الدىمەن، قازاقستان مەن وزبەكستان اراسىنداعى ساۋدا-ەكونوميكالىق قارىم-قاتىناستاردى ودان ءارى جانداندىرۋ ءۇشىن ماڭىزى زور» ەكەنىن اتاپ ءوتىپ.

ماڭعىستاۋ وبلىسىنا جۇمىس ساپارى بارىسىندا اسقار مامين وڭىردەگى بىرقاتار يننوۆاتسيالىق ونەركاسىپتىك كاسىپورىندارعا باردى، وڭىردە «جاسىل ەكونوميكانىڭ» دامۋىمەن جانە ينفراقۇرىلىمدىق جوبالاردىڭ جۇزەگە اسىرىلۋىمەن، جاڭا مادەني جانە تۋريستىك نىسانداردىڭ سالىنۋ بارىسىمەن تانىستى.

اسقار مامين ماڭعىستاۋ وبلىسىندا جاڭارتىلاتىن ەلەكتر ەنەرگياسى كوزدەرىنىڭ دامۋىمەن، وڭىردە اۆتوجولداردىڭ سالىنۋىمەن جانە قايتا جوندەلۋىمەن تانىستى. وڭىردە جالپى قۋاتتىلىعى 50،6 مەگاۆاتت بولاتىن كۇن جانە جەل ەلەكتر ستانتسيالارىن سالۋ بويىنشا بىرقاتار جوبالار ىسكە اسىرىلعان. 2021 جىلعا قاراي وڭىردە قۋاتتىلىعى 147،6 مەگاۆاتت بولاتىن جاڭارتىلاتىن ەنەرگيا كوزدەرى جۇمىس ىستەيتىن بولادى دەپ كۇتىلۋدە.

پرەمەر-مينيستر جاڭا ىقشام اۋدانداردى سۋمەن، جىلۋمەن، گازبەن، ەلەكترمەن قامتامسىز ەتۋ ءۇشىن ينجەنەرلىك جەلىلەردى سالۋ بويىنشا جوبالار تۋرالى اقپاراتتاندىرىلدى.

«شليۋمبەرجە» كومپانياسىنىڭ مەگابازاسىن ارالاۋ كەزىندە ا. مامين مۇناي كەن ورىندارىنا قىزمەت كورسەتۋ بويىنشا كاسىپورىننىڭ جاڭا وندىرىستىك جانە سەرۆيستىك مۇمكىندىكتەرىمەن تانىستى. قازىرگى كەزدە كومپانيا قازاقستاندا تاپسىرىس بەرۋشىلەردىڭ باسىم بولىگىنىڭ قاجەتتىلىكتەرىن وتەپ وتىر.

اسقار مامين جوعارى ساپالى جول بيتۋمدارىن وندىرەتىن «كاسپي بيتۋم» بىرلەسكەن كاسىپورىن جۇمىسىمەن تانىستى. بىرلەسكەن كاسىپورىن قۇرىلتايشىلارى – «قازمۇنايگاز» ۇك اق جانە «CITIC Kazakhstan» جشس. كاسىپورىن 1 ملن تونناعا دەيىن جوعارى شايىرلى مۇنايدى وڭدەپ، كولەمى جىلىنا 520 مىڭ تونناعا دەيىن ءتۇرلى ماركالى بيتۋمدار وندىرە الادى. 2018 جىلى كاسىپورىن قازاقستانداعى بارلىق جول بيتۋمىنىڭ 37% شىعاردى.

«كاسپي» تۇششىلاندىرۋ زاۋىتىن ارالاۋ كەزىندە قر ۇكىمەتىنىڭ باسشىسىنا زاۋىتتى جاڭعىرتۋدىڭ ەكىنشى كەزەڭى تۋرالى باياندالدى، وندا اۋىز سۋ ءوندىرۋدى تاۋلىگىنە 40 000 م3 دەيىن ارتتىرۋ قاراستىرىلعان، بۇل مۇنايلى، قاراقيا، تۇپقاراعان اۋداندارىنىڭ تۇرعىندارىن ساپالى اۋزى سۋمەن جەتكىلىكتى مولشەردە قامتاماسىز ەتۋگە مۇمكىندىك بەرەدى.

پرەمەر-مينيستر جاڭا تۋريستىك كەشەننىڭ جانە ءابىش كەكىلباەۆ اتىنداعى مادەني ورتالىقتىڭ قۇرىلىس الاڭدارىندا بولىپ، قۇرىلىس جۇمىستارىنىڭ بارىسىمەن تانىستى. مادەني ورتالىقتىڭ جالپى اۋماعى 9،5 مىڭ ش.م. قۇرايدى. نىساندى 2020 جىلدىڭ سوڭىنا قاراي پايدالانۋعا بەرۋ كوزدەلگەن.

ا. مامين ارالاپ كورگەن كاسپي تەڭىزىنىڭ جاعالاۋىنداعى زاماناۋي قوناق ءۇي كەشەنى تۋريستەرگە قاجەتتى بارلىق ينفراقۇرىلىممەن 800 ورىنعا شاقتالعان. ونى 2020 جىلى ماۋسىمدا پايدالانۋعا بەرۋ كوزدەلگەن.




سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ولار ءۇي بەتىن كورمەي كۇرەسۋدە

ايماقتار • بۇگىن، 14:42

ۇقساس جاڭالىقتار