ءىس-ساپار بارىسىندا تولەبي اۋدانىنداعى جەكە كاسىپكەر جيھاز وندىرەتىن كاسىپورىن جۇمىسىمەن تانىستى.
«مەرۋەرت» جيھاز ءوندىرىس ورنى 2018 جىلدىڭ تامىز ايىندا ىسكە قوسىلعان. نەگىزگى وندىرەتىن ونىمدەرى اق قايىڭ مەن قارا اعاشتان ۇستەل جانە ورىندىقتار سەكىلدى جيھاز تۇرلەرىن جاساپ شىعارادى. ماسەلەن, اي سايىن 200 ورىندىقتى تۇتىنۋشىعا ۇسىنادى. كاسىپورىندا 25 ادام جۇمىس جاساسا, ولاردىڭ ورتاشا جالاقى كولەمى - 66 809 تەڭگەنى كورسەتەدى.
كاسىپورىن ۇجىمىمەن كەزدەسۋدە اۋدان اكىمى ب. وماربەكوۆ اۋدانداعى كاسىپكەرلىك سالانى قارقىندى دامىتىپ كەلە جاتقان «لەنگىر ماشينا جاساۋ زاۋىتى» جشس-ءنىڭ «جك مەرۋەرت» جيھاز شىعاراتىن تسەحى كۇن سايىن دامىپ, تاپسىرىس كوبەيىپ, جۇمىسپەن قامتىلعانداردىڭ سانىن ارتىپ كەلە جاتقانىنا ايتتى.
- وسىنداي كاسىپكەرلەرىمىزدىڭ ارقاسىندا اۋدانىمىزدىڭ ىلگەرى جىلجيتىنى ايقىن. بيىل اۋداندا كاسىپكەرلىك سالاسىن ءبىرشاما دامىتۋ قولعا الىنۋدا. قازىر مەملەكەتتىك باعدارلامالار اياسىندا حالىقتىڭ ءوز كاسىبىن اشۋى ءۇشىن قولداۋ كورسەتۋدەمىز, - دەدى اۋدان باسشىسى.
ءوز كەزەگىندە ءماجىلىس دەپۋتاتى ف. قاراتاەۆ:
- قازاقستان رەسپۋبليكاسىنىڭ تۇڭعىش پرەزيدەنتى ن.ءا.نازارباەۆ شاعىن جانە ورتا بيزنەستى دامىتۋ ەلىمىزدەگى وركەندەۋدىڭ وتە ماڭىزدى تالاپتارىنىڭ ءبىرى ەكەندىگىن ايتقان بولاتىن. شاعىن جانە ورتا كاسىپكەرلىكتى دامىتۋ ەلىمىزدىڭ ەكونوميكاسىن جانداندىرۋعا جانە حالقىمىزدىڭ الەۋمەتتىك حال-احۋالىن كوتەرۋىنە ءوز سەپتىگىن تيگىزەدى. بيىل مامىر ايىندا قاسىم-جومارت توقاەۆ ۇلتتىق ينۆەستورلار كەڭەسىندە سويلەگەن سوزىندە كاسىپكەرلىككە ءتيىمدى قولداۋ كورسەتۋ ماسەلەسىن كوتەرگەن بولاتىن. ەلباسى نۇرسۇلتان نازارباەۆتىڭ شەشىمىمەن قولجەتىمدى نەسيەلەۋگە 600 ميلليارد تەڭگە بولىنگەن. قاسىم-جومارت كەمەل ۇلى مۇنى «قاراپايىم زاتتار ەكونوميكاسى» تاۋارلارىن وندىرۋگە تاپتىرماس مۇمكىندىك دەپ اتاپ ءوتتى. الداعى ۋاقىتتا كاسىپكەرلىك سالاسىن دامىتۋ باعىتىندا كوپتەگەن باعدارلامالار ۇيىمداستىرىلىپ, كاسىپكەرلەر مەن كاسىپورىندار كوپتەپ اشىلاتىنىنا سەنىمدىمىز. بارلىقتارىڭىزعا تاجىريبە جيناپ, دامىتىپ, ءوز كاسىپتەرىڭىزدى اشۋعا كەڭەس بەرەمىن. ءبارىمىز بىرگە اۋداندى كوركەيتەيىك. سىزدەردىڭ كاسىپتەرىڭىزگە دەگەن ادالدىقتارىڭىز العا جەتەلەيتىنىنى مەن سەنىمدىمىن, - دەپ, كاسىپورىن ۇجىمىنا ساتتىلىك تىلەدى.
