الماتى وبلىسىنىڭ «ىلە» وقۋ پوليگونىندا ارمي-2019 حالىقارالىق اسكەري ويىندارىنا قاتىساتىن «دەسانتتىق ۆزۆود» قۇراما كومانداسى سوڭعى دايىندىقتارىن جۇرگىزۋدە. بۇل كونكۋرسقا ىرىكتەۋ جۇمىستارى بىرنەشە ەتاپتاردان تۇردى. اسكەري قىزمەتشىلەر وزدەرىنىڭ مىقتىلىعىن باتالوندىق, بريگادالىق جانە اسكەرلەر دەڭگەيىندە دالەلدەپ تاڭدالدى. كونكۋرس ەرەجەسىنە ساي 42 اسكەري قىزمەتشى ىرىكتەلىپ, 3 نەگىزگى بولىمشە مەن 1 قوسالقى بولىمشە جاساقتالدى.
كونكۋرستىڭ نەگىزگى ءبولىمى 3-17 تامىز ارالىعىندا پسكوۆ وبلىسىنىڭ «سترۋگي كراسنىە» پوليگونىندا وتەتىن بولادى. قازاقستاندىق كوماندا 26 شىلدە كۇنى اتتانادى دەپ جوسپارلانۋدا. سەبەبى اسكەري قىزمەتشىلەر سول ەلدىمەكەننىڭ كليماتىنا بەيىمدەلىپ, قارۋىن كەلتىرىپ, قورشاعان ورتامەن تانىسۋى ءتيىستى.
اتالمىش كونكۋرستىڭ باستى ماقساتى بولىپ حالىقارالىق اسكەري جانە اسكەري-تەحنيكالىق ىنتىماقتاستىقتى نىعايتۋ, اسكەري قىزمەتتىڭ مارتەبەسىن كوتەرىپ, جەكە قۇرامنىڭ ماشىقتىلىعى مەن كاسىبيلىگىن باقىلاۋ بولىپ بەلگىلەندى.
كونكۋرس 4 كەزەڭنەن قۇرالادى جانە ولار تەحنيكالىق پەن جاياۋ بولىپ بولىنگەن, ياعني جاۋىنگەرلەر دەسانتتالۋ, قونۋ الاڭىنا جينالۋ, مارش جاساۋ, بمد (بتر) جەكە جارىسى, بولىمشە قۇرامىنداعى بياتلون (جۇرگىزۋ بارىسىندا اتىس جۇرگىزۋ), اتىس قارۋى مەن گراناتامەنتتەن اتىس جۇرگىزۋ, بمد (بتر) ءسپرينتى, دەسانتتىق-شابۋىلداۋ جولاعىن ءوتۋ, بمد (بتر) قۋىپ ءجۇرۋ جارىسى, بولىمشە قۇرامىندا باعدارلاۋ, بمد (بتر) ەستافەتاسى, اتىس قارۋمەن وق جۇرگىزۋمەن مارش جاساۋ, دالدىكپەن جەكە سەكىرۋ بويىنشا سايىسقا تۇسەدى.
ەسەپتەۋ بارىسىندا اسكەري تەحنيكامەن ونەر كورسەتەتىن جەكە قۇرامنىڭ كورسەتكىشتەرىنىڭ ماڭىزدىلىعى جوعارى بولادى. جالپى ەسەپتىك ورىنداردان باسقا, كونكۋرست ەرەجەسىنە سايكەس قوسىمشا نوميناتسيالار بويىنشا ماراپاتتاۋ ءراسىمى وتەدى. ولار «رۋحىمەن مىقتى», «بىرگە ءبىز مىقتىمىز», «بايگە شەبەرى», «دالدىككە قونۋ» جانە «ءوز ءىسىنىڭ شەبەرى» نوميناتسيالارى.
اتالمىش كونكۋرسقا 20 ەلدەن كەلگەن كوماندالار قاتىسادى دەپ كۇتىلۋدە. 2017 جىلى اتالمىش كونكۋرس قىتاي حالىق رەسپۋبليكاسىندا ءوتىپ, قازاقستاندىق دەسانتشىلار 8 ەلدىڭ اراسىندا رەسەي مەن قحر العا جىبەرىپ ءۇشىنشى ورىنعا تابان تىرەگەن بولاتىن.
ماڭعىستاۋ وبلىسى
