بۇل كۇرەس ءتۇرى ادامنىڭ دەنەسىن شيراتىپ, بۇلشىق ەتتەردى قاتايتادى, توزىمدىلىككە, باتىلدىققا, ەپتىلىككە, كەرەك كەزىندە تەز ويلانىپ, ءادىس تابا بىلۋگە ماشىقتاندىرادى. قازاقشا كۇرەس كۇش جەتىلدىرەتىن سپورت. سونىمەن قاتار ول قورعانۋدىڭ ۇلتتىق ونەرى.
قازاقشا كۇرەستە ادام ءوزىن ەركىن ۇستاپ, ءوز بويىنداعى كۇشىن, ءادىسىن تۇگەل پايدالانا الادى, مۇندا شالۋ, جاتا تاستاۋ, ارقالاي تاستاۋ, قول بايلاپ كۇرەسۋ, سالماقپەن باسۋ, تىرەسۋ, اشادان الۋ, اياقتىڭ باسىمەن ءىلىپ تاستاۋ, جامباسقا الىپ يىرە لاقتىرۋ, بەلىنەن قىسىپ, تىرسەكتەن شالۋ سياقتى ادىستەردىڭ ءبارىن دە قولدانۋعا بولادى. كۇرەس ءبىر جاقتىڭ تالاسسىز جىعىلۋىمەن جانە جاۋىرىندى جەرگە تيگىزۋمەن اياقتالادى.
ماڭعىستاۋ وبلىسى
