قوعام • 17 شىلدە، 2019

سۋبسيديانىڭ كومەگى زور، بىراق اۋرەسى كوپ

157 رەتكورسەتىلدى

ۇكىمەتتىڭ كەڭەيتىلگەن وتى­رى­سىندا پرەزيدەنت قا­سىم-جومارت توقاەۆ اۋىل شا­رۋا­شىلىعى ەڭبەككەر­لەرى­نىڭ مەملەكەتتىك قولداۋ تالاپ­تارىنىڭ ءجيى وزگەرۋىنە بايلانىستى شاعىمدارىنىڭ ورىندى ەكەنىن ايتتى. مەملەكەت باس­شىسى ايتقانداي، مۇنداي وزگەرىستەر دۇرىس يننوۆاتسيالىق شەشىم قابىلداۋدا قيىندىقتار تۋدىرىپ، اگروبيزنەستىڭ تارتىمدىلىعى مەن تابىستى­لىعىن تومەندەتەتىنى، كاسىپ­كەر­لەردىڭ ەرتەڭگى كۇنگە دەگەن سە­نىمىن جوعالتاتىنى راس. سوعان وراي، مەملەكەت باسشىسى ۇكى­مەتكە اۋىل شارۋاشىلىعى سايا­ساتىندا قىسقا جانە ورتا مەر­زىمدىك باسىمدىقتاردى ايقىن­داپ، ولاردىڭ نەگىزىندە قولداۋ تەتىكتەرىن تۇراقتاندىرۋدى تاپسىردى. اۋىل شارۋاشىلىعى – باسشىلىعىنىڭ ارالارىندا ساباقتاستىق جوق جالعىز سالا ەكەنىن ايتىپ، سىنعا الدى. گەربيتسيدتەر مەن تۇقىم قورىن جاڭارتۋعا، اۋىل شارۋاشىلىعى تەحنيكاسى پاركىن جاڭعىرتۋعا، اگروتەحنولوگيالار مەن تۇ­قىم­دى جاڭالاۋعا بولىنەتىن سۋبسيديالاردىڭ تيىمدىلىگىنە دە كۇمان كەلتىرەتىنىن ايتتى.

اۋىل شارۋاشىلىعى سالاسىندا ۇزاق جىلدار قىزمەت ەتىپ كەلە جاتقاندىقتان بۇل ماسەلە بىزگە جاقسى تانىس، ياعني پرەزيدەنتتىڭ سىنى نەگىزسىز ەمەس. اۋىل شارۋاشىلىعىن دامىتۋ ماقساتىندا كورسەتىلىپ كەلە جاتقان مەملەكەتتىك قول­داۋدىڭ شاراپاتىن ءبىزدىڭ ءون­دىرىستىك كووپەراتيۆ تە سەزىندى. تولەبي اۋدانى، كەمەقالعان اۋىلدىق وكرۋگىنە قاراستى اباي اۋىلىنداعى 110 گەكتارعا يتاليادان المانىڭ ءتورت سۇرىپىن، ياعني 270 مىڭ كوشەت اكەلىپ ەكتىك. جىل سايىن ازداپ سالعانمەن، ءۇش جىلدان سوڭ 80 تونناعا دەيىن ءونىم الۋعا، ونى ەسكپورتتاۋعا بولادى. ارينە جوبامىز مەملەكەتتىڭ قولداۋىمەن، «اگرارلىق نەسيە كورپوراتسياسى» اق ارقىلى قارجىلاندىرۋمەن جۇزەگە استى. ارقايسىسىنىڭ قۇنى 4-7 دوللار تۇراتىن كوشەتتى ناۋقان كەزىندە 180 ادام جابىلىپ ەگىپ، قازىر تامشىلاتىپ سۋارۋ كۇتىمىن 150-دەي مامان اتقارۋدا. ياعني، مەملەكەتتىك قولداۋدىڭ سەپتىگىمەن ءىسىمىز العا باسىپ، جاڭا جۇمىس ورىندارىن اشۋعا مۇمكىندىك تۋدى. 

وسى ارادا ايتا كەتەرلىك جايت، سۋبسيديا بەرۋدە جۇيە­سىزدىك بار. مىسالى، ەۋروپا ەل­دەرىنەن اكەلىنەتىن بىرقاتار الما سۇرىپىنا بەرىلگەنىمەن، كورشى وزبەك ەلىنەن اكەلگەنگە بەرىلمەيدى. كاسىپكەردىڭ ءبىرى العان سۋبسيديانى ەكىنشىسى الا المايدى. سونداي-اق ءار گەكتارعا جۇمسالاتىن شىعىندار دا دۇرىس ەسەپتەلمەيدى، كوپ جايت­تار ەسكەرۋسىز قالادى. شا­رۋا­لار قوسىمشا شىعىندانۋعا ءماجبۇر بولادى. تالاپتار دا ءجيى وزگەرەدى. تىزە بەرسەك، كەم­شىلىگى كوپ. ال شارۋالاردىڭ ۇسىنىس-پىكىرلەرى ەسكەرىلە بەر­مەيدى. شىنتۋايتىندا، شارۋا­لاردىڭ يىعىنداعى جۇكتى جەڭىل­دەتۋگە سۋبسيديانىڭ كو­مەگى مول. الايدا، ونى الۋ وڭاي ەمەس. سۋبسيديا سوڭعى جىل­­دارى شارۋالاردىڭ كوپتەن بە­رى كوكەيىندە جۇرگەن وزەكتى ماسە­­لە. 

شارۋا قوجالىقتارى ەندى پرەزيدەنتتىڭ تاپسىرماسى­مەن بۇل ماسەلە جان-جاقتى زەرت­تەلىپ، حالىقتىڭ ۇسىنىس-ءپى­كىرلەرى ەسكەرىلسە تۇبەگەيلى شەشىمىن تابادى دەگەن سەنىمدە. 


اسەت قايىپبەكوۆ، 
تۇركىستان وبلىستىق ءماسليحاتىنىڭ دەپۋتاتى، «قازىعۇرت باقتارى» وندىرىستىك كووپەراتيۆىنىڭ باسشىسى
تۇركىستان وبلىسى

سوڭعى جاڭالىقتار

ەڭبەكاقى كولەمىن ۇلعايتتى

ايماقتار • بۇگىن، 07:26

بابىر بابا شاپانى

تانىم • بۇگىن، 07:23

ولار ەشكىمنەن كەم ەمەس

رۋحانيات • بۇگىن، 07:18

جالعىز قولمەن جيھاز جاسايدى

ايماقتار • بۇگىن، 07:17

زاماناۋي كارىز جۇيەلەرى كەرەك

ايماقتار • بۇگىن، 07:13

سەرگەلدەڭگە سالعان سەرتيفيكات

ايماقتار • بۇگىن، 07:02

سازگەردىڭ «ماڭگى كوكتەمى»

تانىم • بۇگىن، 06:58

ەر قازاق ەدى ەراعا

تانىم • بۇگىن، 06:56

ەلىمىزدەگى ەڭ الىپ كىتاپ

ايماقتار • بۇگىن، 06:55

تاعايىنداۋ

پرەزيدەنت • بۇگىن، 06:50

جۇرت تىلەگى نازارعا الىندى

ايماقتار • بۇگىن، 06:24

ۇقساس جاڭالىقتار