«بۇگىنگى كۇنى ايماعىمىزدا كۇننىڭ قاتتى ىسۋى بايقالادى. قىزىلوردا وبلىسىندا اۋا تەمپەراتۋراسى 40 گرادۋس بولسا قاتتى ىستىق, ال 45 گرادۋستان جوعارى بولعان جاعدايدا وتە قاتتى ىستىق بولىپ سانالادى. قازىرگى تاڭدا جۇمىسشىلارعا قاتىستى كوپ سۇراقتار تۋىنداپ جاتىر. قازاقستان رەسپۋبليكاسى ەڭبەك كودەكسىنىڭ 23-بابىندا جازىلعان. ەگەر اۋا رايىنا بايلانىستى جۇمىستى جالعاستىرۋ جۇمىسكەردىڭ ومىرىنە, دەنساۋلىعىنا قاۋىپ توندىرەتىن بولسا, جۇمىستى توقتاتۋ جۇمىس بەرۋشىنىڭ قۇقىعى ءارى مىندەتى»,-دەدى وبلىستىق جۇمىلدىرۋ دايىندىعى باسقارماسى باسشىسىنىڭ ورىنباسارى عابيت جاڭاباەۆ.
ال, ايگەرىم جۇكەلوۆا, «كازگيدرومەت» رمك قىزىلوردا وبلىسى بويىنشا فيليالىنىڭ» ءبولىم باستىعى:
- وبلىس تەرريتورياسىنا جوعارى قىسىم القابىنىڭ ەنۋىنە بايلانىستى قازىرگى تاڭدا جاۋىن شاشىنسىز اۋا رايى ساقتالادى. شىلدەنىڭ 17-20 ارالىعىندا اۋا تەمپەراتۋراسى 41-46 گرادۋسقا دەيىن ىستىق كۇتىلۋدە. تەك سولتۇستىكتە, ارال, قازالى اۋداندارىندا 16-17 شىلدە كۇندەرى اۋا تەمپەراتۋرا 35-37 گرادۋسقا بارادى. سونىمەن قاتار, سولتۇستىك پەن سولتۇستىك-شىعىستان سوققان جەلدىڭ ەكپىنى 15-20 م/س دەيىن كوتەرىلەدى. تسيكلوننىڭ ەنۋىنە بايلانىستى, شىلدەنىڭ 20-نان كەيىن اۋا تەمپەراتۋرا 33-38 گرادۋسقا دەيىن تومەندەيدى. ايدىڭ اياعىندا جاڭبىر كۇتىلۋى مۇمكىن,-دەدى.
