ەكونوميكا • 16 شىلدە، 2019

قىزىلوردا وبلىسىندا بالىق ونىمدەرىنىڭ ەكسپورت كولەمى 9 ەسەگە ارتتى

155 رەت كورسەتىلدى

قىزىلوردا وبلىسى رەسپۋبليكادا بالىق شارۋاشىلىعى دامىعان وڭىرلەردىڭ ءبىرى. وبلىس بالىق اۋلاۋ، وڭدەۋ كولەمى بويىنشا رەسپۋبليكادا 3- ورىندا كەلەدى. 2019 جىلدىڭ 6 ايىندا وبلىس بويىنشا 2397 توننا بالىق اۋلانىپ، رەسپۋبليكالىق بيۋدجەتكە 53 ملن تەڭگە قارجى ءتۇستى. بۇگىنگى كۇنى وبلىس بويىنشا جىلدىق قۋاتتىلىعى 11 مىڭ توننادان اساتىن 8 بالىق وڭدەۋ زاۋىتى جۇمىس ىستەپ تۇر. بالىق ونىمدەرىنىڭ 13 ءتۇرى شىعارىلىپ جاتىر.

سوڭعى 5 جىلدا بالىق ونىمدەرىنىڭ ەكسپورتىنىڭ كولەمى 9 ەسەگە ارتتى. 2018 جىلى وبلىستان 3804 توننا بالىق ونىمدەرى ەكسپورتتالسا، وسى جىلدىڭ 6 ايىندا ەكسپورت كولەمى 2406،5 توننانى قۇرادى. بالىق ونىمدەرىن رەسەي، پولشا، گوللانديا، ۋكراينا، ءازىربايجان، قىتاي ەلدەرىنە ەكسپورتتاۋدا.

قامباشتا وتكەن بالىقشىلار سلەتىندە مەملەكەت جانە قوعام قايراتكەرى، ارال اۋدانىنىڭ قۇرمەتتى ازاماتى قۇدايبەرگەن سارجانوۆ:

«مەملەكەت باسشىسى قاسىم-جومارت توقاەۆ سىر ەلىنە ساپارىندا ارال تەڭىزىنە كوڭىل اۋداراتىنىن ايتتى. كەلەشەك ارالدىڭ جاعدايى جاقسى. ول ءۇشىن ءبىز قولىمىزدان كەلگەن كومەگىمىزدى كورسەتۋىمىز كەرەك. وبلىس باسشىلارىنىڭ ارقاسىندا اتالمىش سلەت 5-رەت وتكىزىلىپ وتىر. سونداي-اق وبلىس اكىمدىگىنىڭ ۇيىمداستىرۋىمەن ارال تەڭىزىنىڭ كۇنى دە 2 رەت اتالىپ ءوتتى. مۇنىڭ ءبارى - ارالدىڭ قاسىرەتىنە الەمنىڭ نازارىن اۋدارتۋ دەگەن ءسوز. قازىر جۇمىس جۇرگىزىلىپ جاتىر، مۇنداي سلەتتىڭ انالوگى جوق» دەدى.

سوڭعى جاڭالىقتار

اتىراۋدا 9 بالانى يت تالادى

ايماقتار • بۇگىن، 19:57

ۇقساس جاڭالىقتار