ايماقتار • 15 شىلدە، 2019

شەلەك فەرمەرلەرى سۋپەرماركەتتەرگە كوكونىستەرىن جەتكىزە باستادى

201 رەت كورسەتىلدى

الماتى وبلىسىنا قاراستى «شەلەك فەرمەرلەرى» اۋىلشارۋاشىلىق وندىرىستىك كووپەراتيۆى رەسپۋبليكالىق سۋپەرماركەتتەر جەلىسىنە كوكونىستەر جەتكىزىلىمىن باستادى

«شەلەك فەرمەرلەرىنىڭ» ءونىمى الماتى قالاسىنداعى «ارزان» سۋپەرماركەتتەر جەلىسىندە جانە الماتى، نۇر-سۇلتان، قاراعاندى، پاۆلودار، شىمكەنت، وسكەمەن قالالارىنداعى «مەتروCash&Carry» ساۋدا ورتالىقتارىندا ساتىلاتىن بولادى.

وسى ماۋسىمدا «شەلەك فەرمەرلەرى»قازاقستاننىڭ سۋپەرماركەتتەرىنە، ونىڭ ىشىندە تومات پاستاسى مەن كەتچۋپ شىعاراتىن ءىرى وندىرىستىك كاسىپورىنداردىڭ ءبىرى «تسينكاز» جشس-نە 300 توننادان استام كوكونىس جەتكىزۋدى جوسپارلاپ وتىر، بۇل 2018 جىلعا قاراعاندا ەكى ەسە كوپ.

قازاقستاننىڭ ءىرى قالالارىنىڭ تۇرعىندارىنا ەندىگى جەردە قىزاناقتىڭ، بۇرىشتىڭ، قياردىڭ، كادىنىڭ ءتۇرلى سورتتارى، كارتوپ جانە الما، قاربىز بەن قۇلپىناي سياقتى باسقا دا اۋىلشارۋاشىلىعى ونىمدەرى قولجەتىمدى بولادى.

بيىل «شەلەك فەرمەرلەرى» كوكونىس قابىلداۋ پۋنكتى مەن سۇرىپتاۋ پۋنكتتەرىنىڭ قۇرىلىسىن جۇرگىزىپ جاتىر. سونداي-اق سۋپەرماركەتتەردىڭ ءوتىنىشى بويىنشا اۆتورەفريجەراتور ساتىپ الىنعان. سۇرىپتاۋ پۋنكتىندە اۋىل شارۋاشىلىعى ونىمدەرى سۇرىپتالادى جانە برەند ىدىسقا سالىنادى. سودان كەيىن ول كوكونىس قويماسىندا سالقىنداتىلادى، ال تاڭەرتەڭ ءوز يەلىگىندەگى رەفريجەراتور كوكونىستەردى الماتى سۋپەرماركەتتەرىنە جەتكىزەدى.

«ءبىر جىل بۇرىن «شەلەك فەرمەرلەرىنىڭ» ونىمدەرى ءبىزدىڭ الماتىداعى ساۋدا ورتالىعىمىزدا پايدا بولدى جانە بىردەن ءبىزدىڭ تۇتىنۋشىلارىمىزدىڭ لايىقتى باعاسىن الدى. كووپەراتيۆ تاۋارلارىن ساقتاۋ جانە تاسىمالداۋ جۇيەسىندەگى سوڭعى وزگەرىستەردىڭ ارقاسىندا بىزدە «شەلەك فەرمەرلەرى» ونىمدەرىن ءبىزدىڭ دۇكەندەرىمىز ورنالاسقان باسقا دا قالالارعا جەتكىزۋ مۇمكىندىگى بار. ءبىز بىزبەن بىرگە ءونىم جەتكىزۋشىلەرىمىزدىڭ ءوسىپ، دامىپ كەلە جاتقانىنا قۋانىشتىمىز، سەبەبى مۇنىڭ ناتيجەسىندە ەلدىڭ ەكولوگيالىق تازا اۋدانىندا وسىرىلگەن تابيعي، جەرگىلىكتى ءونىمدى ساتىپ الۋعا مۇمكىندىگى بار قازاقستاندىق تۇتىنۋشى جەڭەدى»، - دەيدى METRO Cash&Carry كوممەرتسيالىق ديرەكتورى ناتاليا مارحيەۆا.

«شەلەك فەرمەرلەرى» جوباسىن ەڭبەكشىقازاق اۋدانىنىڭ جەرگىلىكتى قاۋىمداستىقتار  قورى (جقق) 2014 جىلدان بەرى «فيليپ مورريس قازاقستان» كومپانياسىنىڭ قولداۋىمەن ىسكە اسىرىپ كەلەدى. جانە بۇل جوبا فەرمەرلىك شارۋاشىلىقتى جۇرگىزۋدىڭ بارلىق كەزەڭدەرىن قامتيدى – جوسپارلاۋ مەن تۇقىمداردى وتىرعىزۋدان باستاپ فەرمەردىڭ سوڭعى پايدانى الۋىنا دەيىن. كووپەراتيۆكە كىرگەن فەرمەرلەر ترەنينگتەرگە، سەمينارلارعا بەلسەندى قاتىسادى، اگروبيزنەس-ورتالىقتا اگرونومدارمەن كەڭەسەدى، سونداي-اق باسقا وڭىرلەردەن كەلگەن فەرمەرلەرمەن تاجىريبە الماسادى. اگروبيزنەس-ورتالىق زاماناۋي اگروتەحنولوگيالارعا، لوگيستيكالىق تىزبەكتى قۇرۋ نەگىزدەرىنە، سونداي-اق اۋىل شارۋاشىلىعىنداعى مەنەدجمەنت پەن ماركەتينگكە ۇيرەتەدى. فەرمەرلەر تامشىلاتىپ سۋارۋ ءادىسىن، اسپالاردا قىزاناقتى ءوسىرۋ، مۋلچا-تاسپاسىن قولدانۋدى، اركا جىلىجايلارىن پايدالانۋ جانە باسقا دا وزىق تەحنولوگيالاردى يگەرۋدە.

«قازىر ءبىزدىڭ باستى مىندەتىمىز ءبىزدىڭ الەۋەتتى ساتىپ الۋشىلارىمىزدىڭ قاجەتتىلىكتەرىن زەرتتەۋ بولىپ تابىلادى، ءبىز ءىرى سۋپەرماركەتتەر مەن وڭدەۋشى كاسىپورىنداردىڭ ءبىزدىڭ تاراپىمىزدان نە كۇتەتىنىن تۇسىنگىمىز كەلەدى. ءبىز دۇكەندەرگە ارنالعان قۇجاتتامانى، سۇرىپتاۋدى، كاليبرلەۋدى جانە ءونىم قاپتاماسىن ناقتى جولعا قويدىق. سۋپەرماركەت ساپانى ساقتاي وتىرىپ، الىستاعى وڭىرلەرگە جەتكىزە الۋى ءۇشىن ءبىز سالقىنداتىلعان ءونىمدى جەتكىزۋ تەحنولوگياسىن پىسىقتادىق.ءبىز وسۋدەمىز، ءبىزدىڭ فەرمەرلەردىڭ ءبىلىمى مەن داعدىلارى وسۋدە، ءونىم ساپاسى، لوگيستيكا پروتسەستەرىنىڭ ساپاسى، دۇرىس قۇرىلعان ماركەتينگتى ءتۇسىنۋ ساپاسى وسۋدە.ءبىز مۇنىڭ ءبارى فەرمەرلەردىڭ تۇراقتى دامۋىنا جانە ولاردىڭ تابىسىنىڭ وسۋىنە الىپ كەلەتىنىنە سەنەمىز – بۇل ءبىزدىڭ باستى ماقساتىمىز»، - دەيدى ەڭبەكشىقازاق اۋدانى جەرگىلىكتى قاۋىمداستىقتار قورىنىڭ اتقارۋشى ديرەكتورى باقىتگۇل ەلشىباەۆا.

الماتى

سوڭعى جاڭالىقتار

Atmaca زىمىرانى سىناقتان ءساتتى ءوتتى

تەحنولوگيا • بۇگىن، 18:35

دوللار قايتادان قىمباتتادى

قارجى • بۇگىن، 15:00

ۇقساس جاڭالىقتار