- بۇل ىستەردىڭ تەڭ جارتىسىنا جۋىعى, ياعني 224-ءى – ۇساق بۇزاقىلىققا قاتىستى ىستەر بولسا, 109-ى – وتباسىلىق-تۇرمىستىق قاتىناستار سالاسىنداعى قۇقىق بۇزۋشىلىقتار. سونىمەن قاتار الكوگولدىك ىشىمدىك ىشكەن نەمەسە ماساڭ كۇيدە قوعامدىق ورىندا جۇرگەن, جول-كولىك وقيعالارىن جاساعان, كولىك جۇرگىزۋگە بايلانىستى قۇقىق بۇزۋشىلىققا جول بەرگەن, سوت ۇكىمدەرىن, شەشىمدەرىن نەمەسە باسقا دا سوت اكتىلەرىن جانە اتقارۋ قۇجاتتارىن ورىنداماعان تۇلعالار دا سوتقا تارتىلدى, - دەيدى باتىس قازاقستان وبلىسى بويىنشا سوتتار اكىمشىسى اقپاراتتىق قامتاماسىز ەتۋ ءبولىمىنىڭ باسشىسى نۇرگۇل قاناتباەۆا.
سوتتاردىڭ اكىمشىلىك ىستەردى ۋاقىت وتكىزبەي تەز قاراۋى – ازاماتتارعا قولايلى بولۋى ءۇشىن جاسالعان ارەكەت. «تۇنگى سوت شەشىمدەرى اسىرەسە جول-كولىك وقيعالارىنىڭ سالدارىن وتە قىسقا مەرزىمدە قالپىنا كەلتىرۋگە جانە زاقىمدالعان اۆتوكولىك ءۇشىن ساقتاندىرۋ تولەمىن تەز الۋعا مۇمكىندىك بەرەدى» دەيدى سوت وكىلدەرى. وسىعان بايلانىستى كەي كۇنى, دالىرەك ايتساق كەي ءتۇنى سوت زالى تاڭعا دەيىن بوس بولمايدى. ماسەلەن, 4 ماۋسىم كۇنى «تۇنگى سوت» جوباسى اياسىندا 24 ءىس قارالىپتى.
- اكىمشىلىك قۇقىق بۇزۋشىلىق ىستەرىن قاراۋ كەزىندە مەدياتسيا كەڭىنەن قولدانىلادى. ماسەلەن, وتباسىلىق-تۇرمىستىق قۇقىق بۇزۋشىلىق جاساعانى ءۇشىن كوتەرىلگەن 28 اكىمشىلىك ءىس تاراپتاردىڭ تاتۋلاسۋىمەن اياقتالدى. ءسويتىپ ءىس جۇرگىزۋ توقتاتىلدى. «داۋ مۇراتى – ءبىتۋ» بولعاندىقتان, سوت مۇنداي باستامانى قولدايدى, - دەيدى نۇرگۇل قاناتباەۆا.
سوت وكىلىنىڭ ايتۋىنشا, «تۇنگى سوت» جوباسى باتىسقازاقستاندىقتار اراسىندا ۇلكەن سۇرانىسقا يە بولىپ وتىر.
باتىس قازاقستان
