الماتى قالاسىنىڭ اكىمى باقىتجان ساعىنتاەۆ كورمەگە قاتىسۋشى كاسىپورىنداردىڭ ونىمدەرىمەن تانىسىپ, ەلىمىز ەكونوميكاسىنىڭ دامۋىنا بارىنشا ۇلەس قوسىپ وتىرعان كاسىپكەرلىك نىساندارىنىڭ ىسىنە ءسات-ساپار تىلەدى.
الماتى قالاسى كاسىپكەرلەر پالاتاسىنىڭ ديرەكتورى ناريمان ابىلشايىقوۆتىڭ ايتۋىنشا, بايقاۋعا قاتىسىپ وتىرعان ءاربىر كومپانيا جەڭىمپاز اتانۋعا ابدەن لايىق. كورمەگە ازىق-ت ۇلىك سالاسى, وندىرىستىك باعىتتاعى, سونداي-اق قولونەر, كيىم-كەشەك, اياق كيىم تىگەتىن, ويىنشىق شىعاراتىن 70-تەن استام كومپانيا قاتىستى.
شاراعا سونىمەن قاتار اكىم ورىنباسارلارى ەرجان باباقۇماروۆ, ساپاربەك تۇياقباەۆ, الماتى قالاسى كاسىپكەرلەر پالاتاسى وڭىرلىك كەڭەسىنىڭ توراعاسى يۋري تلەۋمۇراتوۆ جانە دە مەملەكەتتىك ورگاندار مەن بيزنەس قاۋىمداستىقتاردىڭ وكىلدەرى قاتىسىپ, وڭتۇستىك استاناداعى كاسىپكەرلىكتىڭ دامۋ بارىسىنا قاتىستى تىڭ مالىمەتتەرىمەن ءبولىستى.
ۇزدىك كاسىپورىندار قاتارىندا «وندىرىستىك ماقساتتاعى ۇزدىك تاۋارلار» اتالامى بويىنشا – «كەلەت» اق, «Inno Track» جشس, «Savenergy» جشس, «حالىققا ارنالعان ۇزدىك تاۋارلار» اتالىمى بويىنشا – «پەري» جشس, «كوۆاZ» جك, «كازلەگپروم-الماتى» جشس, «ۇزدىك ازىق-ت ۇلىك تاۋارلارى» اتالىمىنا – «بەكەر ي ك» جشس, «حلەبوزاۆود №7» جشس, «تسين-كاز» جشس اتالدى.
ايتۋلى ءىس-شاراعا الماتى قالاسىنىڭ اكىمى باقىتجان ساعىنتاەۆ, اكىم ورىنباسارلارى ەرجان باباقۇماروۆ جانە ساپاربەك تۇياقباەۆ, الماتى قالاسى كاسىپكەرلەر پالاتاسى وڭىرلىك كەڭەسىنىڭ توراعاسى يۋري تلەۋمۇراتوۆ, الماتى قالاسى كاسىپكەرلەر پالاتاسىنىڭ ديرەكتورى ناريمان ابىلشايىقوۆ, سونداي-اق مەملەكەتتىك ورگاندار مەن بيزنەس قاۋىمداستىق وكىلدەرى قاتىستى.
كورمە-بايقاۋعا الماتىلىق ساۋدا ورتالىقتارىنىڭ جالعا بەرۋ بولىمدەرىنىڭ وكىلدەرى دە قاتىسىپ, وتاندىق تاۋار وڭدىرۋشىلەرگە ءۇي-جايلاردى جالعا بەرۋ بويىنشا قىزمەتتەرىن, جولدارىن, باعىتتارىنا قاتىستى ءتۇسىندىرۋ جۇمىستارىن جۇرگىزدى. قاتىسۋشىلاردىڭ قاتارىندا «MOSKVA metropolitan», «Forum Almaty», «Mega اlma-Ata», «مەرەي», «Magnum Cash & Carry» جانە ت.ب ساۋدا ورتالىقتارى بولدى.
بايقاۋعا كەلگەن قوناقتار كورمەگە قويىلعان تاۋارلاردىڭ ساپاسىن باعالاپ, قالاعان ءونىمدى ارزان باعامەن ساتىپ الىپ, سونداي-اق قوسىمشا جۇلدەلى ۇتىس ويىندارىنا قاتىستى. ال كورمەنىڭ جەڭىمپازدارى رەسپۋبليكالىق دەڭگەيدەگى بايقاۋعا قاتىسۋعا جولداما الدى.
