ايماقتار • 12 شىلدە، 2019

بقو-عا 389 جوعارى ءبىلىمدى دارىگەر كەرەك

110 رەتكورسەتىلدى

باتىس قازاقستان وبلىسىنا جوعارى مەديتسينالىق ءبىلىمدى 389 مامان جەتىسپەيدى. اسىرەسە جالپى تاجىريبەلىك دارىگەر، اكۋشەر-گينەكولوگيا ماماندارى، انەستەزيولوگيا، رەانيماتولوگيا جانە كارديولوگيا سالاسىنىڭ دارىگەرلەرى قاجەت. بۇل جونىندە وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى ايزادا شۇكىرعاليەۆا حابارلادى.

ارينە، ءوڭىر باسشىلارى كادر تاپشىلىعىن جويۋ ءۇشىن كەشەندى شارالار جوسپارىن قابىلداعان. ماسەلەن، وبلىستىڭ اۋىلدىق جەرلەرىنە بارىپ ەڭبەك ەتەمىن دەگەن دارىگەرلەر مەن فارماتسەۆتتەرگە 1 ميلليون تەڭگە كولەمىندە قارجىلاي كومەك كورسەتۋ ماسەلەسىن بيىلعى مامىر ايىندا وبلىستىق ءماسليحات دەپۋتاتتارى قولداعان بولاتىن.

بيىل وڭىرگە جاڭادان 145 جاس دارىگەر مامان كەلۋى ءتيىس. ولاردىڭ 75-ءى اۋىلدىق جەردەگى مەديتسينا مەكەمەلەرىنە قىزمەتكە ورنالاسادى. جاڭا ەرەجە بويىنشا ولاردىڭ ارقايسىسى 1 ملن تەڭگەدەن الاتىن بولادى.

جالپى باتىس قازاقستان وبلىسىنىڭ دەنساۋلىق ساقتاۋ سالاسىن قارجىلاندىرۋعا بيىل 37 355 702 مىڭ تەڭگە قاراستىرىلعان. بۇل قارجىنىڭ باسىم بولىگى، ياعني 32 962 131 مىڭ تەڭگەسى الەۋمەتتىك مەديتسينالىق ساقتاندىرۋ قورى ارقىلى وتەدى. سونداي-اق ورتا ءبىلىمدى مامانداردى ودان ءارى دايىنداۋ، ورتا بۋىن مەدپەرسونالدىڭ ءبىلىمىن جەتىلدىرۋ جۇمىستارىنا 4 393 571 مىڭ تەڭگە بولىنگەن ەكەن.

وڭىردەگى، جالپى ەلىمىزدەگى دارىگەر ماماندار تاپشىلىعىن جويۋدىڭ ءبىر جولى – مەديتسينا قىزمەتكەرلەرىنىڭ جالاقىسىن كوتەرۋ ەكەنى ءسوزسىز. تۇڭعىش پرەزيدەنتتىڭ 2018 جىلعى جولداۋىندا كاتەگورياسىز مەدبيكەلەر مەن جالاقىسى تومەن قىزمەتكەرلەردىڭ ەڭبەكاقىسىن كوتەرۋ تۋرالى ناقتى تاپسىرما بەرىلگەن بولاتىن. باتىس قازاقستان وبلىسىندا ءدال وسى ماقساتقا 699،12 ملن. تەڭگە ءبولىنىپ، اتالعان قىزمەتكەرلەرگە تولەنگەن. بۇل ءۇردىستى جاڭا پرەزيدەنت قاسىم-جومارت توقاەۆ تا جالعاستىردى: 2019 جىلدىڭ 1 ماۋسىمىنان باستاپ بيۋدجەت سالاسى قىزمەتكەرلەرىنىڭ جالاقىسى 30%-عا ءوستى. ءدال وسى وزگەرىستىڭ يگىلىگىن اق جايىق وڭىرىندەگى 36 مەديتسينالىق مەكەمەدە قىزمەت ەتەتىن 15064 قىزمەتكەر ناقتى كوردى. وسى ماقساتقا رەسپۋبليكا بيۋدجەتىنەن 1 728 784،0 مىڭ تەڭگە ءبولىنىپ، 323 405،0 مىڭ تەڭگە 1 شىلدەگە دەيىن تولەنىپ ۇلگەردى.


باتىس قازاقستان

سوڭعى جاڭالىقتار

ەگەمەندىكتەر ەلگە شىقتى

قازاقستان • بۇگىن، 11:19

ەلوردا ورتالىعىندا اۆتوكولىك ورتەندى

قازاقستان • 15 قاراشا، 2019

ءباسپاسوز ءرولى – باستى ماسەلە

ادەبيەت • 15 قاراشا، 2019

قازاقستانعا شەتەلدىك بانكتەر كەلەدى

ەكونوميكا • 15 قاراشا، 2019

قوستاناي فيلارمونياسىنا 75 جىل تولدى

رۋحانيات • 15 قاراشا، 2019

جاڭا ۇلگىدەگى كولىكتەر

قوعام • 15 قاراشا، 2019

ۇقساس جاڭالىقتار