ايماقتار • 11 شىلدە، 2019

ارىستاعى جارىلىستىڭ سەبەپتەرى انىقتالۋدا

116 رەت كورسەتىلدى

ورتالىق كوممۋنيكاتسيالار قىزمەتى الاڭىندا وتكەن بريفينگتە قورعانىس ءمينيسترى نۇرلان ەرمەكباەۆ ارىس قالاسىندا بولعان وق-ءدارى قويماسىنداعى جارىلىستىڭ سەبەبىن انىقتاۋ بويىنشا ىشكى قىزمەتتىك تەكسەرۋ جۇرگىزۋ ءۇشىن قورعانىس مينيسترلىگى باس ينسپەكتسياسىنىڭ كوميسسياسى جۇمىسقا كىرىسكەندىگىن حابارلادى.

اسكەري ۆەدومستۆو باس­شى­سىنىڭ ايتۋىنشا، كوميسسيا قۇرامىنا جوعارى بىلىكتى اسكە­ري ماماندار، ورتكە جانە ديۆەر­سياعا قارسى قاۋىپسىزدىك ماسە­لەسىندە ءتيىستى تاجىريبەسى بار قارۋلى كۇشتەردىڭ ارداگەرلەرى كىرگىزىلگەن.

–  ويتكەنى قازاقستان اۋما­عىن­دا باسقا دا وق-دارىلەر قوي­ما­لارى بار. ولاردىڭ كولەمى ارىس­تاعىدان از بولعانىمەن، ءبىز­دىڭ مىندەتىمىز وسىنداي جاع­دايدى بولدىرماۋ، – دەدى قور­عانىس ءمينيسترى.

ەندى كوميسسيا قارۋلى كۇش­تەر­دىڭ وق-ءدارى ساقتالاتىن بار­لىق نىساندارىندا وق-ءدارىنى ساقتاۋ جاعدايى مەن ءتارتىبىن، ءورت قاۋىپسىزدىگى تالابىنىڭ ساق­تالۋىن ءجىتى تەكسەرەدى.

سونداي-اق وق-ءدارىنى ساقتاۋ نى­سانىنداعى قاۋىپسىزدىك دەڭ­گەيىن ارتتىرۋ شاراسىن ايقىن­داپ، تاجىريبەلىك كومەك كور­سەتپەك.

– قازىرگى ۋاقىتتا وق-دارىلەر مەن جارىلعىش زاتتاردى ساق­تاۋ ورنىندا قاۋىپسىزدىكتى قام­­تا­ماسىز ەتۋ ءۇشىن بارلىق شارا­­لار قابىلدانۋدا، – دەدى ن.ەر­مەك­باەۆ.

ءمينيستردىڭ اي­تۋىنشا، قازىر ارىس قا­لا­سىن­داعى ارسە­نال­دان جارىلماعان وق-ءدارى­لەردى شىعارۋ جۇمىستارى دا ءجۇر­گىزىلۋدە. وعان قوسا ۇش­قىشسىز باسقارىلاتىن ۇشۋ اپپاراتتارى جانە تىكۇشاقتارمەن كۇن سايىن ارسەنال اۋماعىنا، ىرگەلەس جەرگە اۋەدەن بارلاۋ، مو­نيتورينگ جۇرگىزىلۋدە.

سونداي-اق ارىس قالا­سىن­داعى وق-ءدارى قويماسىندا بولعان جارىلىستان سوڭ شىمكەنت، تاراز، بۋرنىي، مەركى، وتار قا­لا­لارىنان كەلگەن ساپەرلەر قا­لانى تازارتۋ جۇمىسىنا بىردەن كىرىسكەن.

بريفينگ بارىسىندا مينيستر ارىستاعى ورتكە جاۋاپتى مامانداردىڭ سالاقتىعى، ءورت قاۋىپسىزدىگى تالاپتارىنىڭ ساق­تالماۋى، توقتىڭ قىسقا تۇيىق­تالۋى مەن قاتار، قاساقانا ورتەۋ سەبەپ بولۋى مۇمكىن ەكەنىن جەتكىزدى.

ءمينيستردىڭ ايتۋىنشا، اتال­عان توتەنشە وقيعا بويىنشا ءاربىر جاۋاپتى تۇلعانىڭ جەكە جاۋاپكەرشىلىگى انىقتالماق.

جالپى، سوڭعى 10 جىل ىشىندە اتالعان ارسەنالدان 180 مىڭ توننا قارۋ-جاراق پەن وق-ءدارى شىعارىلعان.

ءسوز اراسىندا قورعانىس مي­نيسترى جاۋاپكەرشىلىكتەن قاش­پاي­تىنىن جەتكىزدى.

– جەكە ءوزىم قورعانىس ۆە­دومستۆوسىنىڭ باسشىسى رەتىندە «مەملەكەتتىك قىزمەت تۋرالى» زاڭعا سايكەس، 2018 جىلدىڭ 7 تا­مىزىندا وسى لاۋازىمعا تاعاي­ىن­دالعان ساتتەن باستاپ، قا­رۋ­لى كۇشتەردە بولعان بارلىق جاعدايعا جاۋاپ بەرىپ كەلەمىن. بۇل جاۋاپكەرشىلىكتەن قاشقان ەمەسپىن جانە قازىر دە قاشۋعا تىرىسپايمىن. تەرگەۋ ناتيجەسىندە انىق­تالعان كىنالىلەر زاڭ جۇزىندە جاۋاپقا تارتىلادى، – دەدى 
ن.ەر­­مەك­­باەۆ.

سوڭعى جاڭالىقتار

تاريحي نىساندار جاڭعىرتىلۋدا

قازاقستان • بۇگىن، 13:05

بۇگىن – ەڭبەك كۇنى

قازاقستان • بۇگىن، 09:20

شەكتەن شىققان احۋال جوق

ايماقتار • كەشە

اتىراۋدا ەگىز ۇل امان-ەسەن تابىلدى

ايماقتار • 25 قىركۇيەك، 2020

اتىراۋدا جول بويىندا تراكتور اۋدارىلدى

ايماقتار • 25 قىركۇيەك، 2020

شىعىستا جازۋشى ءمۇسىنى تۇعىرعا قوندى

رۋحانيات • 25 قىركۇيەك، 2020

ۇقساس جاڭالىقتار