سالتاناتتى شاراعا وبلىستىق پارتيا فيليالى توراعاسىنىڭ ءبىرىنشى ورىنباسارى اقمارال ءالنازاروۆا مەن قالالىق پارتيا فيليالى توراعاسىنىڭ ءبىرىنشى ورىنباسارى ءشارىپ ءابدىراحمانوۆ قاتىسىپ, قالاداعى جاستار ۇيىمدارىنىڭ باسىن بىرىكتىرەتىن ۇيىمنىڭ جۇمىسىنا ساتتىلىك تىلەدى.
- «Nur Otan» ەلدىڭ, حالىقتىڭ پارتياسى. پارتيانىڭ ءاربىر مۇشەسى حالىقپەن بىرگە بولىپ, ولاردىڭ مۇڭ-مۇقتاجىن شەشۋگە, بيلىككە جەتكىزۋگە جۇمىس جاساۋ كەرەك. وسى ورايدا پارتيا مۇشەلەرىنىڭ بەلسەندىلىگىن ارتتىرۋعا, ازاماتتارمەن جانە ءار اداممەن جەكە ديالوگ ورناتۋ جۇمىسىن جانداندىرۋدى كوزدەپ وتىرمىز. بۇل باستاۋىش ۇيىم بولاشاقتا جاستارىمىزعا پارتيا تاراپىنان قولداۋ كورسەتەتىن ورتالىققا اينالىپ, ولاردىڭ ساياسي ليدەرلەرگە اينالۋىنا سەپتىگىن تيگىزەتىن بولادى دەپ ويلايمىز جانە مۇنداي ۇيىمداردى مۇمكىندىگىنە قاراي اۋدان ورتالىقتارىنان دا اشۋ جوسپارلانىپ وتىر دەگەن پارتيا فيليالى توراعاسىنىڭ ءبىرىنشى ورىنباسارى باستاۋىش پارتيا ۇيىمدارىنىڭ جۇمىسىن جەتىلدىرۋ بويىنشا وبلىستىق پارتيا فيليالى تاراپىنان قولعا الىنعان جۇمىستاردى دا اتاپ ءوتتى.
- قازىر باستاۋىش پارتيا ۇيىمدارىن وڭتايلاندىرۋ بويىنشا وبلىستاعى شاعىن ۇيىمدار بىرىكتىرىلىپ, ءىرى باستاۋىش ۇيىمدار جاساقتالۋدا. بۇرىن وبلىستا 272 باستاۋىش ۇيىم بولسا, قازىر 245 باستاۋىش ۇيىمعا قىسقاردى. قاجەتتىلىگىنە بايلانىستى كەيبىر باستاۋىش پارتيا ۇيىمدارى جەتەكشىلىگىنە بەلسەندى پارتيا مۇشەلەرى سايلانىپ جاتىر. پارتيالىق جارناپۇلدان تۇسكەن قاراجاتتىڭ 20 پايىزىن باستاۋىش ۇيىمدارعا قايتارۋ ەسەبىنەن باستاۋىش پارتيا ۇيىمدارىنىڭ بازاسىن نىعايتۋعا جۇمساۋدى جوسپارلاپ وتىرمىز.
باستاۋىش پارتيا ۇيىمدارىنىڭ جەتەكشىلەرى مەن بەلسەندىلەرىن «Nur Otan» پارتياسىنىڭ وبلىستىق, قالالىق جانە اۋداندىق دەڭگەيلەردەگى ساياسي كەڭەستەرى مەن ساياسي كەڭەس بيۋرولارى قۇرامىنا ەنگىزۋ, ولاردى پارتيالىق كادر رەزەرۆىنە قاتىستىرۋ جۇمىستارى دا قولعا الىنۋدا. وسىلايشا باستاۋىش پارتيا ۇيىمدارى جەتەكشىلەرى مەن بەلسەندىلەرىن ساياسي جۇمىستار مەن شارالارعا كوپتەپ قاتىستىرۋ ارقىلى ولاردىڭ جەرگىلىكتى پروبلەمالاردى شەشۋگە ارالاسۋى مەن ولاردىڭ قىزۋ جۇمىستىڭ ورتالىقتارىنا اينالۋىن كوزدەپ وتىرمىز,-دەدى ول.
